دەربارەی نەتەوە

 

نەتەوە دامەزراوەیەکی قازانج نەویستی میدیایی بێلایەن و سەربەخۆیە و ئامانجی سەرەکیی بەرژەوەندی گشتییە، کە لەسەر بنەمای کاری میدیایی پیشەیی کاردەکات و پابەندە بە بەها باڵاکانی ئیتیکی رۆژنامەوانی. نەتەوە هەڵگری هیچ ئایدۆلۆژیایەکی سیاسی نییە، نە خزمەت بە هیچ ئایدۆلۆژیایەک دەکات، نە دژایەتی هیچ ئایدۆلۆژیایەک دەکات. لەبری ئایدۆلۆژیا سیاسییەکان، نەتەوە هەڵگری بیری بەها بەرزە گەردوونی و مرۆییەکانە. ئەو بیرەی کە نەتەوەی لەسەر دامەزراوە مرۆڤ لە ناوەنددا دادەنێت و رێزی لێ دەگرێت، بەبێ گوێ دان بە جیاوازی زمان و باوەڕ و پێکهاتەی ئیتنیکی و جێندەر و شیوازی ژیان. نەتەوە باوەڕی بە تاکانگیری (individualism)ی مرۆڤ هەیە، بەو مانایەی هەموو مرۆڤێک ئازاد و سەربەخۆیە و دەبێت تەنها خۆی بڕیاردەر بێت لەسەر بژاردەکانی ژیانی. هاوتەریب لەگەڵ ئەمە، نەتەوە باوەڕی بە کاری هاوبەش و گردبوونەوە و هەماهەنگی نێوان تاکەکانیشە بۆ بەدیهێنانی ئاشتی و ئارامی و پێکەوەژیان و خۆشگوزەرانی.

 

لەسەر ئاستی لۆکاڵی، نەتەوە هەموو دانیشتوانی کوردستان بە یەک نەتەوە دەبینێت، کە ئەویش نەتەوەی کوردستانە و لە کورد و تورکمان و ئاسووری و کلدانی و ئەرمەنی، لە موسوڵمان و کرستیان و زەردەشتی و ئێزیدی و پێکهاتەکانی دیکە پێک دێت، لەسەر ئاستی جیهانیش، هەموو کۆمەڵگەی مرۆڤایەتی بە یەک نەتەوە دەبینێت، کە ئەویش نەتەوەی مرۆڤایەتییە، بەهەموو پێکهاتە جیاوازەکانییەوە لە پێکهاتەی ئیتنیکی و ئاینی و مەزهەبی و ئایدۆلۆژی؛ هەر بۆیە لە درووشمی "ئێمە هەموو یەک نەتەوەین"ی هەڵگرتووە. نەتەوە لەسەر بنەمای ئەم دیدگە و جیهانبینییە فراوانە دامەزراوە، لەبەر ئەوەشە هەموو مرۆڤێک وەکو خۆی قبوڵ دەکات و بە شێوەیەکی یەکسان لە هەموو مرۆڤەکان نزیک دەبێتەوە، هاوکات بڵاوکردنەوەی ئەو بیرانەی خزمەت بە مرۆڤ و کۆمەڵگەی مرۆڤایەتی، بە گشتی و کۆمەڵگەی کوردستانی دەکەن، بە تایبەتی، بە ئەرکی سەرشانی خۆی دەزانێت؛ لەوانە ئاشتیسازی، لێکتێگەشتن، پێکەوەژیان، دیموکراسییەت، مافەکانی مرۆڤ، یەکسانی جێندەری، دادپەروەری و سەروەری یاسا. بەدەر لەمە نەتەوە پێی وایە تاکە سەرچاوەی زانین و ژیری زانستە و لەبەر ئەوەش کار لەسەر بڵاوکردنەوەی بیری زانستی و بیرکردنەوەی رەخنەگرانە و خوڵقێنەرانە دەکات.

 

نەتەوە لەسەرەتای دامەزراندنیەوە هەتا ئێستا، بە هاوکاری دڵسۆزانی کاری میدیایی و داهاتی رێکلامیی خۆی و خۆبەخشی و ماندوونەناسی کارمەندانی بەڕێوە چووە. زۆرترین داهاتیشی لەڕێگەی نێتوۆرکی رێکلامی ئەلەکترۆنی Adsterra وە بەدەست هێناوە. هەر بۆیە چاوی لە دەستی هیچ کەس و لایەنێک نەبووە بۆ پارەدارکردنی و لە ئەنجامی ئەوەشدا توانیویەتی لە ناوەندی ئەو گیرۆدەییە سیاسییەی ئێخەی بە میدیای کوردی گرتووە، ئێخەی خۆی لە بوون بە دەسکەلای سیاسی لایەنەکان بپارێزێت و لەسەر ئەو بنەمایە بەردەوام بێت کە لەسەری دامەزراوە، کە ئەویش "رێزگرتنە لە هەموو ئایدۆلۆژیا و لایەنە سیاسییەکان، بە شێوەیەک کە نە خزمەت نە دژایەتی هیچ یەکێکیان نەکات."

 

خاوەن ئیمتیاز و سەرنووسەر: جەمال ئارێز

 

بۆ پەیوەندیکردن:

0770 156 3460

ئیمەیل: info@netewe.net







زۆرترین بینراوەکان