نوێترین زانیاری له‌باره‌ی ئەو مامۆستایەی بەهۆی ناوەكەیەوە زیندانی كرابوو، ده‌خرێته‌ڕوو


نەتەوە  |   19:26:17 2020-01-31  |   (387) جار خوێندراوەتەوە

loading...
بەهۆی ئەوەی ناوی هاوشێوەی كەسێكی تۆمەتبارە، مامۆستایەك ماوەی پێنج رۆژە دەستگیركراوە، وەزیری پەروەردەی حكومەتی هەرێمیش له‌وباره‌یه‌وه‌ زانیاری ده‌خاته‌ڕوو. 
A+    A-

 

ئالان حەمە سەعید، وەزیری پەروەردەی حكومەتی هەرێم لە پەیجی فەرمی خۆی لە فەیسبوك بڵاویكردۆته‌وه‌، ئەمڕۆ هەینی 31-1-2020 پاش پەیوەندیكردن بە وەزیری ناوخۆ و فەرسەت سۆفی، پارێزگاری هەولێر و عەمید دلێر، بەڕێوبەری پۆلیسی كۆیە و مامۆستا شەهێن بەڕێوبەری پەروەردەی كۆیە، دواجار بەفەرمانی وەزیری ناوخۆ بریاردرا، كە مامۆستا عەلی عەبدوڵا ئەحمەد ڕێككاری پێویست بۆ ئازادكردنی بگیرێتەبەر.


ئاماژه‌ی بۆ ئه‌وه‌شكردووه‌، سوپاسی مامۆستا شەهێن بەرێوبەری پەروەردەی كۆیە، دەكەم، كە ڕامانسپارد بەدواداچوون بكات و كاری پێویستی ئەنجامدا و لەڕێگای تەلەفۆنەوە قسەم لەگەڵ مامۆستا عەلی كرد و لەهەواڵیم پرسی، دادوەر كە ئامادەبوو دۆسیەكەی لەپۆلیس بۆ رەوانەبكرێت بۆ ئەوەی ئەمڕۆ ئازادی بكات.


جێی باسه‌ عەلی عەبدوڵا ئەحمەد، لەدایكبووی 1989یە و مامۆستایە لە شارەدێی قەسرێی سەربە شارۆچكەی چۆمان ماوەی چه‌ند ڕۆژە بەهۆی ئەوەی ناوی هاوشێوەی تۆمەتبارێكە بەناوی (عەلی عەبدوڵا ئەحمەد) لەكاتی چوونی بۆ دەرهێنانی پاسپۆرت لە شاری هەولێر دەستگیركراوە.
 





loading...