لەبارەی خەرجکردنی پاداشتێکەوە، بریار بۆ ئەم فەرمانبەرانە دەردەکرێت


نەتەوە  |   17:16:52 2020-01-22  |   (129) جار خوێندراوەتەوە

loading...
حكومتی هه‌رێم بڕیارێكی بۆ ئەو فەرمانبەرانە دەركردووه‌، كە دوای خانەنشینی، بۆ وەزیفە گەڕاونەتەوە.
A+    A-

بەپێی نووسراوێكی سەرۆكایەتیی ئەنجوومەنی وەزیرانی كوردستان، كە 8/1/2020 دەرچووە، تێیدا هاتووه‌، بۆ ئەو كەسانەی دوای ئەوەی خانەنشین بوون، جارێكی تر گەڕانەوەیان بۆ وەزیفە بۆ كراوە.


ئاماژه‌ بۆ ئه‌وه‌شكراوه‌، فەرمانبەری هەرێمی كوردستان بە گشت شێوەكانی لە خزمەتی گشتی، تەنیا یەك جار سوودمەند دەبێت لە پاداشتی خانەنشینی، "بۆیە ئەو فەرمانبەرانەی بڕیاری گەڕانەوەیان بۆ دراوە یان بۆ دەكرێت، پێویستە پاداشتی خانەنشینی بگەڕێننەوە بۆ بەڕێوەبەرایەتیی گشتیی خانەنشین".


جەختیش كراوەتەوە، دوای ئەوەی پاداشتی خانەنشینی دەگەڕێننەوە، ئینجا دەستبەكاربوونیان بۆ بكرێت.


رونیشكراوه‌ته‌وه‌، "بەرپرسیاریەتیی جێبەجێكردنی یاسا و رێنماییەكانی تایبەت بەم بابەتە، لە بەرپرسیاریەتیی سەرۆكی فەرمانگە و فەرمانبەری ژمێریاری و فەرمانبەری كارگێڕیدا دەبێت".





loading...