مووچەی ئه‌م كه‌سانه‌ بەپێی یاسای چاكسازی چی بەسەردێت؟  


نەتەوە  |   17:40:55 2020-01-19  |   (139) جار خوێندراوەتەوە

loading...
سەرەڕای گفتوگۆیەكی چەڕ و پڕی چەند ڕۆژە لە پەڕلەمانی كوردستان لەسەر یاسای چاكسازی، بەڵام بەڕێوەبەرێكی گشتی و پسپۆڕ لە بواری كاروباری كەمئەندامان دەڵێت: "زۆرینەی پەڕلەمانتاران ئاگاداری یاساكانی پێشووتری تایبەت بە كەمئەندامان نەبوون".
A+    A-

 

ڕۆژی پێنج شەممەی هەفتەی ڕابردوو، یاسای چاكسازی دواجار بە زۆرینەی دەنگی فراكسیۆنەكانی پارتی و یەكێتی و گۆڕان و كەمە نەتەوەییەكان پەسەند كرا لەكاتێكدا فراكسیۆنەكانی نەوەی نوێ‌ و كۆمەڵ و یەكگرتوو كشانەوە و دەنگیان پێنەدا.


عومەر گوڵپی، بەڕێوەبەری گشتی چاودێری و گەشەپێدانی سلێمانی ڕایگەیاندوه‌، لەكاتی گفتوگۆكانی تایبەت بە یاسای چاكسازی ئەوەم بەلاوە سەیر بوو، كە زۆرینەی ئەندامانی پەڕلەمان ئاگایان لەو یاسایە نییە، كە پێشتر بۆ هاووڵاتیانی خاوەن پێداویستی تایبەت دەركراوە و ئاگاداری ناوەڕۆك و بڕگە و ماددەكانی نەبوون.


ناوبراو له‌ درێژه‌ی لێدوانه‌كه‌ی بۆ سایتی خه‌ڵك وتیشی: زۆرینەی زۆری ئەو قسە و گفتوگۆیانەی لەسەر یاساكە كردیان ناچێت بەلای نیوەی ئەوەی لە یاسای ژمارە (٢٢)ی ساڵی (٢٠١١) ی تایبەت بە ماف و ئیمتیازی كەمئەندامان و خاوەن پێداویستیە تایبەتەكان جێگیركراوە، كە لە پەڕلەمانی كوردستان دەرچووە".


ئاماژەی بەوەشكرد، كە بەپێی ئەو یاسایەی پێشووی پەڕلەمان، دیاری كردنی مووچەی كەمئەندامان بەپێی ڕێژەی كەمئەندامییە و لە 150 هەزار دینارەوە دەست پێدەكات تاوەكو 250 هەزار دینار بۆ ئەوانەی ڕێژەی كەمئەندامییان دەچێتە سەرووی 70%، كە تا ئێستا ئەو یاسایە بەتەواوی جێبەجێ‌ نەكراوە.


بەپێی یاسای چاكسازی، ئەو كەمئەندامەی فەرمانبەر بێت مووچەی كەمئەندامیەكەی دەبڕێت و لە فەرمانگەكەی دەرماڵەی پەككەوتوویی دەخرێتە سەر مووچەكەی و ئەوانەشی فەرمانبەر نیین بڕی مووچەی 150 هەزار دیناری مانگانەیان پێ‌ دەدرێت.
 





loading...