دەربارەی سندوقی خانەنشینی فەرمانبەرانی هه‌رێم زانیاری ده‌خرێته‌ڕوو


نەتەوە  |   19:50:55 2020-01-17  |   (145) جار خوێندراوەتەوە

loading...
بەگوێرەی یاسای چاکسازی پێویستە حکومەتی هەرێم سندوقی خانەنشینی کارا بکات و پەیڕەوێکی بۆ دەربکات، سکرتێری ئەنجومەنی وەزیران له‌وباره‌یه‌وه‌ چه‌ند زانیارییه‌ك ده‌خاته‌ڕوو.
A+    A-

 

ئامانج رەحیم، سکرتێری ئەنجومەنی وەزیران له‌ لێدوانێكدا رایگه‌یاندووه‌، "لەگەڵ بەرکاربوونی یاسای چاکسازی پێویستە راستەوخۆ ئەنجومەنی وەزیران بە پەیڕەوێک سندوقەکە و ئەنجومەنی بەڕێوەبردنی بۆ پێک بهێنێت".


رونیشیكرده‌وه‌، "بێگومان وردەکاری ئەم سندوقە لە یاسای خانەنشینی ساڵی 2006 هاتووە، سەرەتا دەبێت وەزارەتی دارایی تەرخانکراویی مووچەی خانەنشینی خۆی بخاتە سندوقەکەوە دواتریش بەشی ژمێریاریی گشت دامەزراوەکان ئاگادار بکرێت کە (توقیفات تقاعد)یەکە بنێرن بۆ حسابی بانکی تایبەت بە سندوقەکە".


به‌وته‌ی سکرتێری ئەنجومەنی وەزیران "سەرەتا دەبێ حکومەت پشتیوانی دارایی سندوقەکە بکات، لە عێراق لەبەر ئەوەی لە سەرەتاوە سندوق هەبووە، ئێستا نەک توانای پێدانی مووچەی خانەنشینی هەیە بەڵکو پارەکەیان خستووەتە وەبەرهێنانەوە و تەنانەت قەرزیان لێداوە بە حکومەت بە سوودی بانکیی، لە مەودایەکی درێژدا ئەگەر سندوقەکەی خانەنشینی هەرێمیش دەست بەکار بێت بەهەمان شێوەی بەغدا دەبێت".





loading...