هەژان هێرش وێنەی خۆی و "ئاسۆ عومەر سوارە" بڵاودەکاتەوە 


نەتەوە  |   18:00:34 2020-01-02  |   (174) جار خوێندراوەتەوە

loading...
خانمه‌ ئەکتەر و پێشکەشکاری ناسراوی كورد "هەژان هێرش" بۆ كۆچی دوایی ئاسۆ عومەر سوارە ده‌نوسێت:"تا هاتم بۆ پرسەکەشت کاک ئاسۆ نەمتوانی بڕوا بکەم هاتیشم بەس بڕوا ناکەم .. هاتم کچە جوانەکەت و خێزانە میهرەبانەکەت زۆریان بیرەکردیت کاک ئاسۆ هەموان چاو پڕ لە فرمێسک بوین".
A+    A-

 

هه‌ژان لە تۆڕی کۆمەڵایەتی ئینستاگرام چەند وێنەکی خۆی و هونەرمەندی کۆچکردوو "ئاسۆ عومەر سوارە" بڵاودەکاتەوە و له‌گه‌ڵ وێنه‌كان بۆ ئەو هونەرمەندە نوسیویه‌تی: "بۆ نامەوێت بڕوا بکەم ! تا هاتم بۆ پرسەکەشت کاک ئاسۆ نەمتوانی بڕوا بکەم هاتیشم بەس بڕوا ناکەم .. هاتم کچە جوانەکەت و خێزانە میهرەبانەکەت زۆریان بیرەکردیت کاک ئاسۆ هەموان چاو پڕ لە فرمێسک بوین، هەموان ئاواتەخواز بوین ئەوەی هەمانە بۆت بۆ دوا جار پێت بلێین... پێت بڵێین چەندە خۆشمان ویستویت و مرۆڤێکی چەندە مەزن بویت، ئاخر کاک ئاسۆ من هێشتا ئەمویست لە درامایەکی تردا باوکم بیت".


ده‌شڵێت: هەرگیز لەیادم ناچێت یەکەم ڕۆژی وێنەگرتنی درامای" ئاکامی نهێنیەکان " بوو ساڵی ٢٠١١ ، وتت با پێکەوە ئەم دیمەنە بخوێنینەوە، وتت من لەم دەقەیەوە باوکتم تۆ کچی منیت وتم باشە باوکە گیان".


هێمای بۆ ئه‌وه‌شكردووه‌، لەو درامایەدا هەردێ سەمیر برام بوو لەگەڵ کاک ئاسۆ، کە دائەنیشتین هەستمەکرد بەڕاستی باوک و برامن، لەو ڕۆژەوە لە هەر مەجلیسێکدا منت بدیایە باوەشێکی باوکانە و ماچی سەرت ئەکردم ، پێش سێ مانگ تۆم بینی لە گەلاوێژ لە دورەوە وتت کچم ماچت کردم ، ئەگەر ئەمزانی وا زوو سەفەر ئەکەیت پێم ئەوتیت هێندەی باوکمم خۆش ئەوێیت و جێی شانازی منیت . هەرگیز لە یادت ناکەم کاک ئاسۆ . ڕۆحت شاد بێت".


 





loading...