دیارده‌یه‌كی گه‌ردوونی رووده‌دات


نەتەوە  |   18:08:48 2019-12-20  |   (114) جار خوێندراوەتەوە

loading...
بەپێی ئاژانسی گەردوونناسی هیندستان رۆژی 26ی ئه‌م مانگه‌ خۆرگیران لەبەشێكی ناوچەكانی ئاسیا روودەدات.
A+    A-

 

ئاژانسه‌كه‌ ئاماژه‌ی به‌وه‌كردووه‌، رۆژی 26ی دیسێمبەر خۆرگیران لەبەشێكی ناوچەكانی ئاسیا روودەدات، كە بە ملیۆنەها هاوڵاتی ناوچەكانی ئیمارات و عەرەبستانی سعودیە و میرنشینی عەممان و بەحرەین و قەتەر و هیندستان و سریلانكا و مالیزیا و ئەندۆنیسیا و سەنگافورە و دورگەی گوام خۆرگیرانەكە دەبینن.


له‌ زانیارییه‌كاندا هاتووه‌، خۆرگیرانەكە لە وڵاتی بەحرەین-ەوە دەستپێدەكات و تێكڕای ئیمارات دەگرێتەوە و به‌شێوه‌ی بازنەیی دەبێت كاتێك بە چاویلكەیی خۆرگیران سەیری خۆر بكەیت، خۆر لەشێوەی ئەلقەیەكی ئاگریندایە، پێیدەوترێت (Annular Solar Eclipse) كە ئەمەش خۆرگیرانی تەواوەتی بێناوترێت. 


خۆرگیرانەكە لە كاتژمێر 7:35 بەیانی ده‌ستپێده‌كات و تا نزیك كاتژمێر 9ی بەیانی دەخایەنێت، به‌ گوێره‌ی ئاژانسی ناساش خۆرگیرانی دواتر دەكەوێتە 14ی ئۆكتۆبەری 2023، كە لە خۆرئاوای ئەمریكاوە بەرەو مەكسیك و بەرازیل و كۆلۆمبیا و پەنەما دەڕوات.
 





loading...