پەروەردەی سێكسی دەخرێتە نێو پرۆگرامی خوێندنەوە


نەتەوە  |   19:34:31 2019-11-23  |   (581) جار خوێندراوەتەوە

loading...
پەروەردەی سێكسی بەدیاریكراوی لە تەمەنی (5) ساڵانەوە لەپرۆگرامی خوێندندا زیاد دەکرێت و ، بڕیاریشە لەمانگی داهاتووەوە بخرێتە بواری جێبەجێکردنەوە.
A+    A-


ئەمڕۆ شەممە 2019/11/23 ئێستگەی مۆزاییك ئێف ئێمی تونس-ی رایگەیاند، كە ئەرزاق خنیتش بەڕێوەبەری جێبەجێكار لە كۆمەڵەی تەندروستیی منداڵبوون ئاماژەی بەوە كردووە کە دەستپێشخەرییەكە بەسەرپەرشتی وەزارەتی پەروەردەی تونس و بەهاوبەشیی لەگەڵ سندوقی دانیشتووان لە نەتەوە یەكگرتووەكان و پەیمانگەی عەرەبی مافی مرۆڤ جێبەجێ دەكرێت.

 

ئەوەشی راگەیاندووە: بابەتی پەروەردەی سێكسی وانەیەكی جیا نابێت لە پرۆگرامی خوێندن، بەڵكو  لەنێو وانەكانی دیکەدا جێی دەكرێتەوە و دەشڵێت: هەڵە تێگەیشتن لەسەر ئەم بابەتە هەیە، پێویستە هەوڵ بدرێت لەڕێگەی وتووێژ و  بەشداریی خوێندكارانەوە هەڵەكان راست بكرێنەوە.

 

ئاماژەشی بەوە داوە کە لەپێناوی پاراستنیان لە دژی گێچەڵی سێكسی ئەم وانەیە دەخرێتە ناو پرۆگرامەكەوە و بۆ منداڵانی سەرەتایی بابەتەكان سادە دەبن.

 

ئەرزاق خنیتش راشیگەیاندووە: لەگەڵ هەڵكشانی تەمەنی خوێندكاراندا بابەت و وانەكانیش پێش دەخەن و كارێك دەكەن کە شێوازی وانە وتنەوەكان لەڕووی رۆشنیریی و ئاینییەوە گونجاو بێت.





loading...