رۆناڵدۆ دوورخرایه‌وه‌


نەتەوە  |   17:13:19 2019-11-22  |   (314) جار خوێندراوەتەوە

loading...
راهێنه‌ری یانه‌ی "یوڤێنتوس" ئاشكرایكرد، به‌ ئه‌گه‌رێكی زۆر سبه‌ی له‌ یاریی تیپه‌كه‌ی به‌رامبه‌ر ئاته‌لانتا له‌ خولی ئیتالیا، كریستیانۆ رۆناڵدۆ به‌شداریی ناكات.
A+    A-

 

ئه‌مڕۆ هه‌ینی 22/11/2019، ماوریسیۆ ساری، راهێنه‌ری یانه‌ی یوڤێنتوسی ئیتالی ئاشكرایكرد، سبه‌ی له‌ یاریی تیپه‌كه‌ی به‌رامبه‌ر ئاته‌لانتا له‌ خولی ئیتالیا، كریستیانۆ رۆناڵدۆ به‌ رێژه‌ی 99% به‌شداریی ناكات و به‌رنامه‌ مه‌شقییه‌كه‌ی خۆی جێبه‌جێ ده‌كات، له‌ باره‌ی كێشه‌ی رۆناڵدۆ له‌ تیپه‌كه‌شی وتی، بابه‌ته‌كه‌ پێویست به‌ روونكردنه‌وه‌ ناكات.


سبه‌ی گه‌ڕی 13ی خولی ئیتالیا ده‌ستپێده‌كات و یوڤی له‌گه‌ڵ ئاته‌لانتا یاریی ده‌كات، ئه‌مه‌ش له‌كاتێكدایه‌ رۆناڵدۆ له‌ یاریی تیپه‌كه‌ی به‌رامبه‌ر میلان كاتێك گۆڕانكاری پێكرا، به‌ توڕه‌ییه‌وه‌ یاریگه‌ی جێهێشت.


ساری له‌ باره‌ی رۆناڵدۆ ئاشكرایكردوه‌، یاریزانه‌كه‌ دوای گه‌ڕانه‌وه‌ی له‌ یاریی نێوده‌وڵه‌تییه‌كان، به‌ ستافی مه‌شقی گوتووه‌، بارودۆخی باش بووه‌ له‌ یاریی یه‌كه‌مدا، به‌ڵام له‌ یاریی دووه‌مدا بارودۆخی باش نه‌بوو، وتیشی: "به‌رنامه‌یه‌كی تایبه‌تمان بۆ رۆناڵدۆ داناوه‌، ئامانجیشمان ئه‌وه‌یه‌ بۆ یاریی چامپیۆنزلیگ به‌رامبه‌ر ئاتلێتیكۆ مه‌درید ئاماده‌بێت".





loading...