زانیاری نوێ لەبارەی دۆسیەی سێوان قادرەوە دەخرێتەڕوو


نەتەوە  |   15:51:47 2019-11-16  |   (541) جار خوێندراوەتەوە

loading...
سەرپەرشتیاری پڕۆژەیەکی تایبەت بە ژنان بەناوی خۆیان و بنەماڵەی سێوان قادرەوە داوا لە رێكخراوەكانی كۆمەڵی مەدەنی دەكەن لە دانیشتنی یەكەمی دادگاییكردنی تۆمەتباری دۆسێی سێوان قادردا ئامادەبن.
A+    A-


لەوبارەیەشەوە پەرچەم قەرەداغی، سەرپەرشتیاری پڕۆژەی "ژن ژیانە مەیكوژە" بە سایتی دواڕۆژی راگەیاندووە: سبەی یەكەم رۆژی دانیشتنی دادگای تاوانەكان دەبێت لە شاری سلێمانی سەبارەت بە دۆسیەی سێوان قادرو سێ منداڵەكەی كە ساڵی رابوردوو لە رووداوێكی تراژیدیدا سووتان و دەشڵێت: بەناوی بنەماڵەی سێوان و پرۆژەكەیانەوە داوا لە رێكخراوەكانی ژنان و مافی مرۆڤ و چالاكوانان دەكەن لەو دانیشتنەدا ئامادەبن.

 

پێشتر بنار عادل نادر، پارێزەری كەیسەكە بەو سایتەی راگەیاندبوو: رۆژی یەكشەممە یەكەم دانیشتنی دۆسێی سێوان قادر و سێ منداڵەكەی دەبێت تایبەت بە تۆمەتبار (د.م) و لەو دانیشتنەدا ئیفادە لە سكاڵاكاران بەمافی كەسێتی كە باوكی سێوان قادر و دایكێتی وەردەگیرێت.

 

هەروەک روونیشیکردبووەوە کە ئاگاداركردنەوە‌ بۆ چەند شایەتحاڵێك چووە کە دەبێت ئامادەی دانیشتنەکەی دادگا ‌بن.

 

 لەم دۆسێیەدا زۆر شاهید و راپۆرت و وتەی كاتی لێكۆڵینەوە هەن،‌ بۆیە لە دانیشتنی یەكەمدا تەنیا ئەوەندە وەردەگیرێن و لە دانیشتنەكانی دیكەدا دەچنە ناو گفتوگۆ و وردەكاریی دۆسێكەوە.





loading...