نوێترین زانیاری لەسەر کەیسی گیان لەدەستدانی سێوە قادر و منداڵەکانی


نەتەوە  |   14:39:38 2019-11-08  |   (227) جار خوێندراوەتەوە

loading...
بەپێی زانیارییەکان "بڕیاره‌ لەچەند رۆژی داهاتوودا بەراییەکانی تایبەت بە تۆمه‌تباری کەیسی گیان لەدەستدانی سێوە قادر بدرێتە دادگا" و رۆژی دادگایکردنی دیاری دەکرێت.
A+    A-

 

له‌وباره‌یه‌وه‌ بنار عادل نادر، پارێزەری کەیسەکە به‌ سایتی دواڕۆژی راگەیاندوه‌، "دوای ئازادکردنی تۆمەتباری دووەم لە کەیسەکە، له‌ڕۆژی 3/11/2019 سه‌رجه‌م ئه‌وراقه‌کانی کەیسی سووتانی سێوە قادر و منداڵەکانی (ئیحاله‌) بووه‌ و پێشبینی ده‌که‌ین هه‌فته‌ی ئاینده‌ بدرێت به‌داواکاری گشتی".


وتیشی: "دوای وردبینیکردنی ئه‌گه‌ر هه‌ڵه‌ی تیادا نه‌بێت، ره‌وانه‌ی دادگای تاوانه‌کان ده‌کرێت و رۆژی دادگاییکردنی تۆمه‌تبار (د.م) مێردی سێوه‌ قادر دیاری ده‌کرێت".


جێی باسه‌ شەوی 16ی کانوونی یەکەمی 2018 بەهۆی ئاگرێکه‌وه‌ لە ماڵێکی قەزای چەمچەماڵ سێ منداڵ بەناوەکانی (دارین و لارین و دەوەن) سوتان و گیانیان لەدەستدا، دایكی منداڵه‌كانیش به‌ناوی (سێوە قادر) دوای مانەوەی بۆ هەفتەیەک لە نەخۆشخانەی سووتاوی سلێمانی بەرەبەیانی رۆژی 24ی هه‌مان مانگ گیانی لەدەستدا و کەسوکارەکەشی "مێردەکەی بە سووتانیان تۆمەتبار دەکەن".





loading...











زۆرترین بینراوەکان