دەنگۆی رێگریكردن لە سەرۆکی پەرلەمان رەتدەکرێتەوە


نەتەوە  |   18:59:29 2019-11-07  |   (284) جار خوێندراوەتەوە

loading...
دەنگۆی رێگریكردن لە سەرۆکی پەرلەمان بۆ بەشداریی لە دیداری "مێری" بەتوندی رەتدەكرێتەوە و هۆشداریش دەدرێتە میدیاکان لە بڵاوکردنەوەی ئەو هەواڵە.
A+    A-


سکرتێری رۆژنامەوانیی رێواز فایەق سەرۆکی پەرلەمانی کوردستان لە روونكردنەوەیەكی بڵاوکردووەتەوەو تێیدا رایگەیاندووە "بەداخەوە لە هەندێک ماڵپەڕ و پێگەی سۆشیاڵ میدیا هەندێ هەواڵی هەڵبەستراو بڵاوکراوەتەوە لەسەر ئەوەی گوایە رێگری لە بەرێز سەرۆکی پەرلەمان کرابێت تا بچێتە هۆتێلی رۆتانا بۆ بەشداری لە پانێلی "دیداری مێری".

 

هەروەک لە راگەیەندراوەکەدا هاتووە: "رایدەگەیەنین کە ئەم بابەتە هەڵە تێگەیشتنێک بووە و هۆکارەکەی کارمەندانی کۆمپانیای سیکۆریتی بووە لەو شوێنە و هیچ پەیوەندیی بە پاسەوان و دامەزراوە فەرمییەکانی هەرێمی کوردستانەوە نییە".

 

لەكۆتایی راگەیەندراوەکەشدا جەخت لەسەر ئەوە دەكاتەوە کە هەر ماڵپەڕ و راگەیاندنێک هەواڵی هەڵبەستراو لەم بارەیەوە بڵاوبکاتەوە، "رێوشوێنی یاسایی لەبەرامبەردا دەگرنەبەر".





loading...











زۆرترین بینراوەکان