لەبارەی بە‌ هەمیشەییكردنى فە‌رمانبە‌رانى گرێبە‌ستەوە زانیارى نوێ ئاشکرا دەکرێت


نەتەوە  |   17:38:18 2019-11-07  |   (328) جار خوێندراوەتەوە

loading...
بەرپرسێكى ئەنجومەنى وەزیران رایدەگەیەنێت: دیراسەى بە هەمیشەییكردنى فەرمانبەرانى گرێبەست كراوە و لە داهاتوودا هاوشێوەى مامۆستایان دەكرێنە هەمیشەیى .
A+    A-


پاش ئەوەی دوێنى چوارشەممە رێکەوتی 2019/11/6، ئەنجومەنى وەزیرانى هەرێم بڕیاریدا سەرجەم مامۆستایانى گرێبەست كە ژمارەیان نزیكەى شەش 6500 مامۆستان بكرێنە هەمیشەیى، بەڵام بڕیارى بە هەمیشەییكردنەکە فەرمانبەرانى گرێبەستی وەزارەتەکانی دیکەی نەگرتەوە كە ئەوانیش ژمارەیان نزیكەى 25 هەزار فەرمانبەرە، نیگەرانیی لای ئەو فەرمانبەرانە درووستکردووە.

 

لەوبارەیەشەوە سەرچاوەیەك لە ئەنجومەنى وەزیرانى هەرێم بەسایتی دواڕۆژ-ى راگەیاندووە: دواى دیراسەكردنێكى زۆر، حكومەت بڕیارى بە هەمیشەییكردنى مامۆستایانى گرێبەستى داوە، بەڵام ماناى ئەوە نییە  کە جیاوازیى لەنێوان مامۆستایان و فەرمانبەرانى گرێبەستدا كراوە، بەڵكو بە هەمیشەییكردنیان بەهۆى پێویستیى وەزارەتى پەروەردەوە بووە بە راژەى ئەو مامۆستایانە و دیراسەى بە هەمیشەییكردنى فەرمانبەرانى گرێبەستیش كراوە و لە داهاتوودا بڕیاریان لەبارەوە دەدرێت.

 

هەروەها دەڵێت: "تا ئەوكاتەى دەكرێنە هەمیشەیى، ساڵانە گرێبەستەكانیان بۆ نوێ دەكرێتەوە و هیچ كێشەیەك لەو رووەوە دروست نابێت".

 

لەلایەکی دیکەشەوە كوردۆ شابان، بەڕێوەبەرى راگەیاندنى وەزارەتى شارەوانى و گەشتوگوزارى هەرێم رایگەیاندووە: گفتوگۆ لەبارەى بە هەمیشەییكردنى فەرمانبەرانى گرێبەستەوە كراوە، بەڵام بە هەمیشەییكردنیان بەپێى پێویستى وەزارەتەکە دەبێت.

 

بەپێی ئامارێكى وەزارەتى دارایى و ئابوورى هەرێمیش، لە دوای ساڵی 2014ەوە لەسەر داوای وەزارەتەكان نزیكەی 31 هەزار فەرمانبەر و مامۆستا بەشێوەی گرێبەست دامەزرێندراون و دەبوو ئەوانەى سێ ساڵ خزمەتیان هەیە بكرێنە هەمیشەیى، بەڵام بەهۆى "قەیرانى دارایی"ەوە تائێستا فەرمانبەرانى گرێبەست نەكراونەتە هەمیشەیى.





loading...











زۆرترین بینراوەکان