بڕی 450 مێگا کارەبا کەم دەکات


نەتەوە  |   18:04:44 2019-10-09  |   (131) جار خوێندراوەتەوە

loading...
لە ئاگادارینامەیەکیدا بۆ هاوبەشەکانی، بەڕێوەبەرایەتی كارەباری سلێمانی هاوبەشانی كارەبا ئاگادار دەکاتەوە  کە بۆ ماوەی هەفتەیەك بڕی ناردنی غازی سروشتی و بەرهەمهێنانی كارەبا بەبڕی 450 مێگاوات كەم دەكات.
A+    A-


بەڕێوەبەرایەتیی كارەباری سلێمانی، رایگەیاندووە: "هاوڵاتیان و هاوبەشانی كارەبا ئاگادار دەكەینەوە لە بەرواری 11-10-2019 تا 17-10-2019 كۆمپانیای دانا غاز بە سەرپەرشتی وەزارەتی سامانە سروشتییەكان وەكو ئامادەباشیەكە بۆ وەرزی زستان و هەڵدەستن بە چاكسازیی لە سیستمی بەرهەمهێنانی غازی سروشتی لە كێڵگەی كۆڕمۆر، بەمەش بۆ ماوەی هەفتەیەك بڕی ناردنی غازی سروشتی و بەرهەمهێنانی كارەبا بە بڕی 450 مێگاوات كەم دەكات".

 

هەر لەو ئاگادارییەدا هاتووە: "وەزارەتی كارەبا هاوبەشانی دڵنیادەكاتەوە کە لەنزیكەوە ئاگاداری بەڕێوەچوونی كارەكانە و تیمەكانی كۆنترۆڵی كارەباش سەرقاڵی خۆئامادەكردنن بۆئەوەی لەو ماوەیەدا ئەم پڕۆژەیە كەمترین كاریگەریی لەسەر ماوەكانی پێدانی كارەبا هەبێت".

 





loading...











زۆرترین بینراوەکان