ئۆپەراسیۆنەکەی رژێمی تورکیا بۆسەر رۆژئاوا دەستیپێکرد


نەتەوە  |   17:30:47 2019-10-09  |   (114) جار خوێندراوەتەوە

loading...
پاشنیوەڕۆی ئەمڕۆ ئۆپەراسیۆنە چاوەڕوانکراوەکەی  رژێمی تورکیا بۆسەر رۆژئاوای کوردستان دەستیپێکرد، ئەوەش پاش ئەوەی سەرلەبەیانی ئەمڕۆ رەجەب تەیب ئەردۆغان-ی سەرۆک کۆماری ئەو وڵاتە پەیوەندییەکی تەلەفۆنی لەگەڵ هاوتا روسییەکەیدا ئەنجام دا.
A+    A-


بەگوێرەی سەرچاوەکانی هەواڵی تورکیا و روونكردنه‌وه‌ی سه‌رۆكایه‌تی فه‌رمانگه‌ی په‌یوه‌ندییه‌كان لە سه‌رۆكایه‌تی كۆمار، لەو په‌یوه‌ندییه‌ ته‌له‌فۆنییەی  ئەردۆغان و پوتیندا ئەردۆغان رایگەیاندووە کە "ئه‌و‌ ئۆپەراسیۆنه‌ سه‌ربازییه‌کە هاوكار ده‌بێت له‌ به‌رقه‌راربوونی سەقامگیری و ئاشتی لە سوریا و رێگه‌ له‌به‌رده‌م پرۆسەی سیاسیی ئەو وڵاتەدا دەکاتەوە".

 

هەر بەپێی سەرچاوەکانی هەواڵ لە رۆژئاوای کوردستان و ئاژانسە جیهانییەکان، لە پاشنیوەڕۆی ئەمڕۆوە هێزەکانی تورکیا دەستیانکردووە بە بۆردومان لە رێی تۆپخانەکانەوە بۆ ناوچەکانی سەرێ کانی و دەرباسیە و خەڵکی سڤیلی ئەو ناوچانەش دەستیانکردووە بە چوونە دەرەوە لە ناوەندی شارەکە و هێشتاش هیچ زیانێکی گیانی ئاشکرا نەکراوە.

 

هەر بەپێی ئەو سەرچاوانەش ئێستا هێزەکانی هەسەدە وەڵامی هاوشێوەی بۆردومانەکە دەدەنەوە بەڵام هێشتا پێکدادانی چەکداریی رووی نەداوە چونکە بەوتەی سەرچاوەکانی هەسەدە نایانەوێت تەقە لەناو خاکی تورکیا بکەن تا پاساو نەدەنە دەست ئەنقەرە.

 

ئەوەش لەکاتێکدایە کە لە پێش نیوەڕۆوە فڕۆکەی دێدەوانیی تورکیا بەسەر ئەو ناوچە سنوورییانەدا دەسوڕێتەوە.





loading...











زۆرترین بینراوەکان