لە پڕۆژەیەكی ئاودێریدا مێردمنداڵێک خنكا


نەتەوە  |   16:56:45 2019-10-09  |   (220) جار خوێندراوەتەوە

loading...
لە راگەیەندراوێکی پۆلیسدا هاتووە کە مێردمنداڵێکی 16 ساڵان لە پڕۆژەیەكی ئاودێریدا خنكاوە و پاش گەڕان و پشکنین تەرمەکەی دۆزراوەتەوە.
A+    A-


لەوبارەیەشەوە عەلی جەمال قەدوری بەڕێوەبەری راگەیاندنی پۆلیسی گەرمیان لە راگەیەنراوێكدا ئاشکرایکردووە: شەوی رابردوو لەگوندی شێخ لەنگەر-ی سەربە ناحیەی كوڵەجۆ، مێردمنداڵێک بەناوی (ئەیوب شاكر مەحمود) لەدایكبووی 2003 لە پڕۆژەیەكی ئاوی كشتوكاڵیدا خنكاوە و دوای گەڕانیش بەشوێن تەرمەکەیدا تیمەكانی فریاكەوتن و غەواسی گەرمیان توانیویانە تەرمەكەی بدۆزنەوە.

 

هەروەها دەڵێت: ئێستا بەمەبەستی توێكاری رەوانەی پزیشكی دادوەری قەزای كەلار كراوە و پۆلیسیش لێكۆڵینەوە لە هۆكار و چۆنێتی خنكانی ئەو  مێردمنداڵە دەكات و ئێستاش بە بڕیاری دادوەر ، بەپێی مادەی 408 گەنجێكی هاوڕێی کە لەكاتی رووداوەكەدا لەگەڵی بووە بەندكراوە.





loading...











زۆرترین بینراوەکان