ئاگرین لە تۆڕە کۆمەڵایەتییەکان دووردەکەوێتەوە


نەتەوە  |   19:18:54 2019-10-03  |   (287) جار خوێندراوەتەوە

loading...
هونەرمەندی لاو ئاگرین دڵشاد بڕیاردەدات لە تۆڕە كۆمەڵایەتییەكان دووربكەوێتەوە، بەڵام دەڵێت لە کاری  هونەریی بەردەوام دەبم  و داوای لێبوردنیش لە هەوادارانی دەكات.
A+    A-


لەپۆستێكدا کە لەپێگەی تایبەتی خۆی لە تۆڕە كۆمەڵایەتیەكاندا بڵاویکردووەتەوە هونەرمەندی گۆرانیبێژ  ئاگرین دڵشاد بە داوای لێبوردنەوە لە هەوادارو گوێگرانی رایدەگەیەنێت کە لە تۆڕە کۆمەڵایەتییەکان دووردەکەوێتەوە.

 

دەقی پۆستەكەی هونەرمەند ئاگرین دڵشاد

 

ماوەی چەند ساڵێكە من بەكارهێنەری (سۆشیاڵ میدیا)م وەكو هەر یەكێك لە ئێوە هەر پێگەیەك كە بەكارمهێناوە جێگەی دڵخۆشی و خەمباریم بووە و كەسم تێیدا ناسیووە و كەسم تێیدا لە دەستداوە.

 

كەسانێك منیان تێیدا خۆشویست و كەسانێك رقیان لێم بووەوە، لە هەر گۆشەیەكەوە تەماشا بكەم كاریگەریی ئەرێنی و نەرێنی هەبووە بۆم، بەڵام هەستدەكەم بەشێك لە ژیانم وردە وردە جێ دەمێنێت.

 

هەستدەكەم ئێرە وردە وردە دەتگۆڕێ بۆ ئەو كەسەی كە دەیەوێ نەك ئەوەی كە پێویستە، بۆیە لە ئێستادا بڕیارم داوە كە بە هەموو توانامەوە بۆ ماوەیەكی نادیار دووربكەومەوە لە پێگەكانی وەكو (فەیسبووك، ئینستاگرام، سناپچات) بەردەوام دەبم لە كاری هونەری، بەڵام بە رێگەیەكی تر هیوادارم نەیەمەوە ناو ئەم دونیایە.

داوای لێبوردن لە گوێگرانم ئەكەم كە لە ڕێگەی ئەم پێگانەوە گوێیان لێگرتووم و ناسیویانم.

 

"ئاگرین دڵشاد"





loading...











زۆرترین بینراوەکان