ڕۆژی یەكشەممەی داهاتوو بڕە پارەیەك بەموچەخۆران دەدرێت


نەتەوە  |   21:19:58 2019-09-11  |   (3,477) جار خوێندراوەتەوە

loading...
بەرێوەبەرایەتی پەروەردەی سلێمانی ڕونكردنەوە لەبارەی خەرجكردنی جیاوازی موچە بۆ مامۆستایان و فەرمانبەرانی دەدات و بەرێوەبەری ژمێریاری پەروەردەی رۆژهەڵاتیش رایدەگەیەنێت ژمارەیەك لە مامۆستایانمان ئاگاداركردۆتەوە ڕۆژی یەكشەممە سەردانی پەروەردە بكەن و جیاوازی موچەی چوار ساڵیان بۆخەرجدەكرێت.
A+    A-

 

ئامانج سلێمان، بەرێوەبەری ژمێریاری لەبەرێوەبەرایەتی پەروەردەی ڕۆژهەڵات لەسلێمانی له‌ لێدوانێكدا بۆ سایتی تۆڕی هه‌واڵی ڕاگەیاندوه‌: ئەو مامۆستایانەی، كەجیاوازی موچەیان هەبووە لەساڵانی 2014 تا 2018 كارەكانیان بەكۆتا هاتووە و ئاگادارمان كردونەتەوە، كە ڕۆژی یەكشەممەی داهاتوو، كەدەكاتە 15ی 9ی 2019سەردانی پەروەردە بكەن بۆ مەبەستی خەرجكردنی جیاوازی موچەی ئەو چوار ساڵە.


ڕونیشیكردەوە، ئەولەویەتمانداوە بەدابەشكردنی موچە، بۆیە ئەمڕۆ دەستكراوە بەدابەشكردنی موچە و ئەو مامۆستایانەی جیاوازی موچەیان هەبووە بەلیستێكی دیكە لەرۆژی یەكشەممە لەدیوانی پەروەردە دەست بەدابەشكردنی جیاوازی موچەكە دەكرێت بەسەریاندا.


ئەوەشی خستەڕوو، خەرجكردنی جیاوازی موچەكە بۆ ئەو مامۆستایانەیە كە ئاگاداركراونەتەوە و مەرج نییە هەموو مامۆستایانی سنوری بەرێوەبەرایەتی پەروەردەی رۆژهەڵات لێی سوودمەندبن، بەڵكو هەر مامۆستایەك جیاوازی موچەی هەبێت بۆی خەرجنەكراوە لەڕۆژی یەكشەممەوە دەستدەكرێت بەخەرجكردنی ئەو جیاوازی موچەیە بۆیان.
 





loading...











زۆرترین بینراوەکان