رێژە‌ى كە‌مكردنە‌وە‌ى كرێى خوێندنى پارالێڵ  و ئێواران ئاشكرا دە‌كرێت


نەتەوە  |   18:28:41 2019-09-10  |   (396) جار خوێندراوەتەوە

loading...
وەزارەتى خوێندنى باڵا و توێژینەوەى زانستى پڕۆژەیەكی ئاراستە کراوە کە بەپێی ناوەڕۆكەكەى: خوێندنى باڵا بۆ هەر بەشێك كەم دەكرێتەوە بە گوێرەى بەش و كۆلێژەكە و رێژەی کەمکردنەوەکەش ئاشکرا دەکرێت.
A+    A-


بەگوێرەی هەواڵێک کە سایتی دواڕۆژ بڵاویکردووەتەوە، كرێى خوێندنى ساڵانەى پارالێڵ و ئێواران لە سەرجەم زانكۆ حكومى و تایبەتەكان دەهێنرێتە خوارەوە.

 

بەگوێرەی پڕۆژەکەش کە لەلایەن بەرپرسانى وەزارەتەوە پێشكەشكراوە، لە زانكۆ تایبەتەكان كرێى خوێندنى پارالێڵ و ئێواران لەو بەشانەى كرێی خوێندنەكان لەسەرووى سێ ملیۆن دینارەوەیە بەڕێژەى لە 30% كەمدەكرێتەوە و لە زانكۆ حكومییەكانیش بەڕێژەى 40%.

 

ئەو بەشانەشى كە كرێى خوێندنەكەیان لە دوو ملیۆن كەمترە بەڕێژەى لە 20%  كرێى خوێندنى ساڵانە دەەێندرێتە خوارەوە لە هەردوو زانكۆ حكومى و تایبەتەکان.

 

دابەزینى كرێى خوێندنى پارالێڵ بۆ خوێندنى ماستەر و دكتۆراش بە هەمان رێژە دەبێت بۆ ئەوانەى ئێستا كاندیدى خوێندنى ماستەر و دكتۆران لە زانكۆ حكومییەكان، ئەمەش وەكو هەوڵێك بۆ رێگریكردن لە چوونە دەرەوەى خوێندکارانى خوێندنى باڵا بۆ دەرەوەى وڵات.

 

هەر بە پێی ئەو زانیارییانەش کە ئەو سایتە بڵاویکردووەتەوە، وەزیرى خوێندنى باڵاو توێژینەوەى زانستى لەگەڵ سەرۆكى گشت زانكۆ تایبەت و ئەهلییەكاندا كۆبووەتەوە و واش بڕیارە بەر لە وادەى دەستپێكردنى خوێندنى ئەمساڵ، پێشنیازەكان لەبارەى كرێى خوێندنى پارالێل بخرێنە بوارى جێبەجێكردنەوە.

 

عەباس ئەکرەم، وتەبێژى وەزارەتى خوێندنى باڵاش لەو بارەیەوە رایگەیاندووە: "بە هەوڵى راستەوخۆى وەزیرى خوێندنى باڵاو لە چوارچێوەى ریفۆرم و پلانەکاندا، وەزارەت ئامادەکاریى دەکات بۆ کەمکردنەوەى کرێى خوێندن لە زانکۆ و پەیمانگە تایبەتەکان و کرێى خوێندنى پارالێڵ لە زانکۆ حکومییەکاندا.





loading...











زۆرترین بینراوەکان