پۆلیسی سلێمانی هەڵمەتێكی دەستپێكرد  


نەتەوە  |   19:37:44 2019-09-09  |   (133) جار خوێندراوەتەوە

loading...
بەڕێوەبەرایەتی پۆلیسی پارێزگای سلێمانی ڕایدەگەیەنێت، "هەڵمەتی گەڕان و پشكنینی دەستپێكردووە و شەوی ڕابردووش دەستگیرا بەسەر چەندین ماتۆڕسكیلی بێ‌ سەرەتا و ژمارەیەك لە ئامێری بڕەر، كە ڕێگە پێنەدراوە هاووڵاتیان ئەو ئامێرانە هەڵبگرن.
A+    A-

 

لە ڕاگەیەنراوێكدا بەڕێوەبەرایەتی پۆلیسی پارێزگای سلێمانی، ڕایگەیاندووە، شەوی ڕابردوو لە هەڵمەتێكی مەفرەزەكانی پۆلیسی پارێزگای سلێمانی، هەریەكە لەبەشەكانی پۆلیسی ناوشار ڕۆژهەڵات، ڕۆژئاوا و بەشی پۆلیسی نەهێشتنی تاوان و بنكەكانی پۆلیسی عەربەت، بەكرەجۆ، ڕاپەڕین، بازیان و بەردەقارەمانی سەر بە یاردەدەرێتی بەڕێوەبەر بۆ كاروباری قەزاكان دەستگیرا بەسەر چەندین ماتۆڕسكیلی بێ‌ سەرەتا و ژمارەیەك لە ئامێری بڕەر، كە ڕێگە پێنەدراوە هاووڵاتیان ئەو ئامێرانە هەڵبگرن.


ئاماژه‌ی به‌وه‌شكرد، هەر لە هەڵمەتەكەدا دەستگیرا بەسەر چەندین پەردەی ئۆتۆمبێل و چەندین لەزگەی جامی ڕەشی ئۆتۆمبێل لێكرانەوە، كە ڕێگە پێنەدراوە بەپێی یاسا، هەروەها چەند ئۆتۆمبێلێكی بێ سەرەتاش دەستی بەسەرداگیرا.


ئه‌وه‌شخراوه‌ته‌ڕوو، تۆمەتبارێك لەلایەن بنكەی پۆلیسی ڕزگارییەوە دەستگیركرا، كە چوار فەرمانی گرتنی هەبووە لەهەریەك لە بنكەكانی پۆلیسی ڕزگاری و عەربەت و بەشی پۆلیسی شارەزوور، كە تۆمەتبار لەڕێگەی فێڵەوە پارەی لە هاووڵاتیان سەندووە.


ئاشكراشیكردووە، هەڵمەتی گەڕان و پشكنینی هێزەكانی پۆلیسی پارێزگای سلێمانی بەردەوامی دەبێت و هەركەسێك سەرپێچی بكات دەستگیر دەكرێت و ڕووبەڕووی یاسا دەكرێتەوە.
 





loading...











زۆرترین بینراوەکان