خەلکی بەریتانیا ناڕەزاییان دەستپێکرد


نەتەوە  |   16:03:02 2019-09-05  |   (266) جار خوێندراوەتەوە

loading...
بەریتانییەکان دژی بڕیاری هەڵپەساردنی پەرلەمان خۆپیشاندان و ناڕەزایەتییەکانیان دەستپێکردو داوایەک ئاراستەی شاژن و سەرۆک وەزیران دەکەن.
A+    A-


نەتەوە تایبەت

بەریتانییەکان لەشارەكانی لەندەنی پایتەخت‌ و ئەدنبەرە‌و كاردیف‌ و مانچستەر و بریستۆڵ‌ و كامبریدج‌ و دۆرهامیش و چەند ناوچەیەکی تر خۆپیشاندانیان دەستپێکرد.

 

لەمیانی ئەو خۆپیشاندانانەدا دژایەتی خۆیان بۆ بڕیاری هەڵپەساردنی پەرلەمانی وڵاتەکەیان دەردەبڕن و بە کارێکی نا دیموکراسی وەسف دەکەن.

 

ئەو ناڕەزاییانەش دوای ئەوە دێت کە  شاژنی بەریتانیا بڕیارێکی سەرۆک وەزیرانی شانشینەکەی پەسەندکرد کە پەیوەستبوو بە هەڵپەساردنی پەرلەمان.

 

بە بڕوای چاودێرانیش ئەو بڕیارە نوێیەی سەرۆک وەزیران و شاژنی ئەو شانشینە لادانی بەربەستەکانی  بەردەم چوونە دەرەوەی ئەو وڵاتەیە لە یەکێتیی ئەوروپا.

 

بەگوێرەی بڕیارەکەش کارەکانی پەرلەمانی بەریتانیا تا رۆژی 2020/10/14 ساڵی داهاتوو هەڵدەپەسێردرێن.

 

ئەگەرچی بەریتانیا دەستوورێکی نووسراوی نییە بەڵام، بەگوێرەی عورفە دەستوورییەکانی ئەو وڵاتە، سەرۆک وەزیران دەسەڵاتی هەڵپەساردن و هەڵوەشاندنەوەی پەرلەمانیشی هەیە.

 

نەتەوە- لەندەن- شوانە حەسەن ئەبوبەکر





loading...











زۆرترین بینراوەکان