"بەڵێنمان وەرگرتوە، بەھەمانشێوەی ئەمساڵ ناردنی موچە بۆ ٢٠٢٠ بەردەوامبێت"


نەتەوە  |   19:15:23 2019-09-04  |   (2,216) جار خوێندراوەتەوە

loading...
بەرپرسانی "بەغدا" لەبارەی ناردنی موچەی فەرمانبەرانی ھەرێم بۆ ساڵی داھاتوو دڵنیایی دەدەنە وەفدەکەی پەرلەمان و ئەندامێکی ئەو وەفدەش ڕایدەگەیەنێت، "بەڵێنمان وەرگرتوە، بەھەمانشێوەی ئەمساڵ ناردنی موچە بۆ ٢٠٢٠ بەردەوامبێت".
A+    A-

 

ئێوارەی دوێنێ ٣-٩-٢٠١٩، وەفدێکی پەرلەمانی کوردستان سەردانی بەغدا کردو ئەمڕۆش بەشداریان لەکۆنگرەی ساڵانەی یەکێتی پەرلەمانتارانی ئاسیا کرد له‌وباره‌یه‌وه‌ جەلال محەمەد، ئەندامی وەفدی پەرلەمانی کوردستان بۆ بەغدا ڕایگەیاندوه‌، "جگە لەبەشداریکردن لەکۆنگرەی ساڵانەی یەکێتی پەرلەمانتارانی ئاسیا، کۆبونەوەمان لەگەڵ جێگری یەکەمی ئەنجومەنی نوێنەران و سەرۆکی لیژنەی بودجە کرد".


ناوبراو له‌ درێژه‌ی لێدوانه‌كه‌ی بۆ سایتی تۆڕی هه‌واڵی سلێمانی وردەکاری کۆبونەوەکانیشی ئاشکراکردو وتی:"داوامانکرد ئیستحقاقی ھەرێم لەڕوی داراییەوە ڕەچاو بکرێت و مافی کورد لەچوارچێوەی دەستور بپارێزرێت، ئەوانیش بەڵێنیان پێداین لەچوارچێوەی دەستوردا مامەڵە لەگەڵ ھەرێم دەکەن، کە ھەرێم بەشێکە لەعیراق ھەموو ھاوڵاتیانیشی ھەمان مافی ھاوڵاتیانی ناوەڕاست و باشوری عیراقیان دەبێت".


ئاشکراشیکرد، "بەڵێنمان وەرگرتوە، موچەی فەرمانبەرانی ھەرێم جیابکەنەوە لەکێشەکان، بۆ ساڵی ٢٠٢٠یش کێشە بۆ موچە خۆرانی ھەرێَم دروستنەکرێت و بەھەمانشێوەی ئەمساڵ بنێردرێت، ئامادەیی خۆشیان بۆ پابەندبون بەڕێکەوتنەکەی پێشتر لەگەڵ ھەرێم دەربڕی".
ئەوەشی خستەڕوو، "ئێوارەی ئەمڕۆش لەگەڵ سەلیم جبوری سەرۆکی ئەنجومەنی نوێنەرانی عیراق کۆدەبنەوە".
 





loading...











زۆرترین بینراوەکان