وه‌زاره‌تێك ده‌رگای دامه‌زراندن بۆ ده‌رچوانی زانكۆ ده‌كاته‌وه‌


نەتەوە  |   19:37:11 2019-09-01  |   (583) جار خوێندراوەتەوە

loading...
وه‌زاره‌تی "به‌رگریی عیراق" ده‌رگای دامه‌زراندنی بۆ ده‌رچوانی زانكۆ و خاوه‌ن بڕوانامه‌ی به‌كالۆریۆس له‌سه‌ر میلاكی وه‌زاره‌ته‌كه‌ی كرده‌وه‌.
A+    A-

 

وه‌زاره‌تی به‌رگریی عیراق ئاماژه‌ی بۆ ئه‌وه‌كردووه‌، خوازیاران له‌ خاوه‌ن بڕوانامه‌ی به‌كالۆریۆس ده‌توانن له‌ سبه‌ینێ دووشه‌ممه‌ 2ی ئه‌یلول داواكاری بۆ په‌یوه‌ندیكردن به‌ ریزه‌كانی سوپا پێشكه‌ش بكه‌ن و دوا واده‌ش رۆژی چوارشه‌ممه‌ 4ی ئه‌یلولی 2019یه‌.


ئه‌وه‌شخراوه‌ته‌ڕوو، خوازیار ده‌توانێت فۆڕمی ئه‌لیكترۆنی پڕبكاته‌وه‌ و دوای وه‌رگرتنیشی به‌ پله‌ی (نائیب عه‌ریف) له‌سه‌ر میلاكی وه‌زاره‌ت داده‌مه‌زرێت.


هاوكات مه‌رجه‌كانیش بۆ ئه‌و دامه‌زراندنه‌ راگه‌یاندوه‌، كه‌ ده‌بێت پسپۆڕییه‌كه‌ی له‌م بوارانه‌ی خواره‌وه‌دا بێت:

 
1- خاوه‌ن بڕوانامه‌ی به‌كالۆریۆس له‌ كۆلێژی پزیشكی.

2- خاوه‌ن بڕوانامه‌ی به‌كالۆریۆس له‌ كۆلێژی په‌رستاری.

3- خاوه‌ن بڕوانامه‌ی به‌كالۆریۆس له‌م به‌شانه‌ی كۆلێژی ئه‌ندازیاری: میكانیك، كاره‌با، كارۆمیكانیكی، ئه‌لیكترۆنیك ، كۆمپیوته‌ر و به‌رنامه‌سازی ، ئه‌ندازیاریی په‌یوه‌ندییه‌كان.

4- خاوه‌ن بڕوانامه‌ی به‌كالۆریۆس له‌م به‌شانه‌ی كۆلێژی ئاداب: زمانی ئینگیلیزی، زمانی توركی، زمانی عیبری، زمانی فارسی.

بڕیاریشه‌ سه‌رله‌به‌یانیی سبه‌ینێ دووشه‌ممه‌ 2ی ئه‌یلول فۆرمی ئه‌لیكترۆنی له‌سه‌ر به‌رنامه‌ی ۆرد بكه‌وێته‌ كار و دوای پڕكردنه‌وه‌شی خوازیاران ده‌توانن به‌م ئیمه‌یڵه‌ ره‌وانه‌ی بكه‌نه‌وه‌.
 





loading...











زۆرترین بینراوەکان