دارایی سەرقاڵی ئامادەکردنی لیستێکی نوێی مووچەی خانەنشینانە


نەتەوە  |   15:39:40 2019-08-14  |   (164) جار خوێندراوەتەوە

loading...
لیستێکی نوێ بۆ خانەنشینانی نوێ ئامادەدەکرێت و بەڕێوەبەری گشتیی خانەنشینی شارستانیش لەوبارەیەوە روونکردنەوە دەدات.
A+    A-


ئاراس غەریب بەڕێوەبەری خانەنشینی شارستانی سلێمانی رایدەگەیەنێت: چەند بەشێك لەمامەڵەی ئەو فەرمانبەرانەی لەمانگی 7 ی ئەمساڵدا خانەنشین بوون، گەڕاوەتەوە، بەڵام مەرج نییە هەموو ئەو ناوانەی لە یەک کاتدا رەوانەی هەولێر كراون، پێکەوە بگەڕێتەوە.

 

هەروەها لەوبارەیەوە بە ئێس ئێن ئێن-ی وتووە: "ئەوانەی ناویان گەڕاوەتەوە لیستی مووچەیان بۆ دەبەسترێت، بەڵام لە چ مانگێكدا خانەنشین بوون لەو مانگەدا مووچەی خانەنشینی وەردەگرن، ئەوانەی ئەمساڵ چەند مووچەیەكی فەرمانبەرییان لەلای حكومەت ماوە، دەبێت ئەو مووچانە وەربگرن".

 

هەروەک راشیگەیاندووە: ئێستا خانەنشینان مووچەی مانگی حوزەیرانی 2018-یان وەرگرتووە و ئەم مانگە مووچەی مانگی تەممووز وەردەگرن، ئەوانەشی تازە خانەنشین دەبن، هیچ كێشەیەك لە مووچەكانیاندا نابێت و لەو مانگەی تێیدا خانەنشین بوون، مووچەكەیان وەردەگرن.

 

جێی ئاماژەیە لەكاتی قەیرانی داراییدا، خانەنشینان پاشەكەوت لە مووچەكانیان نەكرا، بەڵام بە (45 بۆ 60) رۆژ جارێك مووچەیان وەردەگرت، بەهۆی ئەوەشەوە دابەشكردنی مووچەی خانەنشینی یەك ساڵ دواكەوتووە و ئێستا مووچەی ساڵی 2018 یان بەسەردا دابەش دەكرێت، ئەوانەشی تازە خانەنشین دەبن، بەلیستی جیا مووچەیان بۆ دەبەسترێت.





loading...











زۆرترین بینراوەکان