ترسێکی زۆر لەناو فڕۆكە‌یە‌كى عیراقیدا دروست بوو


نەتەوە  |   17:06:49 2019-08-13  |   (138) جار خوێندراوەتەوە

loading...
فڕۆكەیەكى عیراقی كە لە فڕۆکەخانەی ئیستانبوڵەوە بۆ بەغدا بەڕێكەوتبوو، تووشی کێشە هات و بەو هۆیەشەوە ترسێكى زۆر کەوتە ناو سەرنشینەكانییەوە.
A+    A-


بەپێی هەواڵێکی سایتى "العالم"ى ئێرانى کە ئەمڕۆ سێشەممە  رێکەوتی 2019/8/13 بڵاویكردەوە، كێشە کەوتووەتە بزوێنەرى فڕۆكەیەكى عیراقییەوە كە لە فڕۆکەخانەی ئیستانبوڵەوە بۆ بەغدا بەڕێكەوتووە، بەو هۆیەشەوە ترسێكى زۆر کەوتووەتە دڵى سەرنشینەكانییەوە.

 

سایتەکە ئاماژەی بەوە کردووە کە لەگرتە ڤیدیۆییەكدا، قەرباڵغى سەرنشینەكانى فڕۆكەیەكى عیراقى دەردەكەوێت كە لە ئیستانبوڵەوە بۆ بەغدا هاتووە، لەبەردەرگاى دەرچوونى فڕۆكەکە ژنێك دەڵێت: "ژیانمان لەمەترسیدایە.. دەرگاى فڕۆكەكە بكەنەوە" هەروەها ئەو دەنگەش دەبیسترێت: "كێشە لە بزوێنەرى فڕۆكەكەدایە، دەیانەوێت بەو شێوەیە بەئێمەوە فڕۆكەوانى بكەن".

 

بەپێى هەواڵەكە: لە گەشتى داهاتووى ئیستانبوڵ بۆ بەغدا، گەشتیاران تووشى شۆك بوون كە فڕۆكەیەكی سەربە كۆمپانیاى ئۆرى فڕۆكەوانى، كاتێك فڕۆكەكە بۆ ماوەى یەك كاتژمێر لەناو فڕۆكەخانەكەدا رێیكرد بەبێ فڕۆكەوان، دواتر روونبووەوە، كە ئەو فڕۆكەیە كێشەیەك لە بزوێنەرەكەیدایە، سەربارى ئەوەش كۆمپانیاكە سوربوو لەسەر ئەوەى فڕۆكەكە بە سەرنشینەكانەوە بفڕێت، ئەوەش وایكرد هەموو خەڵكەكە بە ترسێكى زۆرەوە داوایان كرد دەرگاكەیان بۆ بكرێتەوە بۆ ئەوەى دابەزن.





loading...











زۆرترین بینراوەکان