سیستمێكی نوێ له‌ خوێندنگه‌كانی سلێمانی جێبه‌جێ ده‌كرێت


نەتەوە  |   16:35:44 2019-08-13  |   (167) جار خوێندراوەتەوە

loading...
به‌رپرسێكی پەروەردە رایده‌گه‌یه‌نێت، "ده‌مانه‌وێت له‌ساڵی نوێی خوێندن به‌رنامه‌یه‌كی به‌ریتانی له‌سه‌رجه‌م په‌روه‌رده‌كاندا جێبه‌جێ بكه‌ین ئەو سیستمەش پەیوەستە بە سەرپەرشیارانی پەروەردەیی.
A+    A-


لەوبارەیەوە عومه‌ر محه‌مه‌د یاریده‌ده‌ری به‌ڕێوه‌به‌ری گشتیی په‌روه‌رده‌ی سلێمانی رایگه‌یاندووە: "تائێستا بڕیارێك له ‌وه‌زاره‌تی په‌روه‌رده‌ نه‌دراوه‌ كه‌ بۆ ساڵی نوێی خوێندن، سه‌رپه‌رشتیارانی په‌روه‌رده‌یی له ‌خوێندنگه‌كاندا ده‌وام بكه‌ن و ژووریان پێ بدرێت".

 

به‌ڵام دەڵێت: به‌رنامه‌یه‌ك هه‌یه‌ به‌ناوی (British Council) كه‌ به‌گوێره‌ی‌ به‌رنامه‌كه‌، ده‌بێت سه‌رپه‌رشتیارانی په‌روه‌رده‌یی و به‌ڕێوه‌به‌ری خوێندنگه‌ و مامۆستایان پێكه‌وه‌ هه‌ڵسه‌نگاندن بۆ پڕۆسه‌ی خوێندن بكه‌ن، به‌جۆرێك مامۆستا هه‌ڵسه‌نگاندن بۆ كاره‌كانی ده‌كات و به‌ڕێوه‌به‌ر بۆ مامۆستایان و سه‌رپه‌رشتیاریش بۆ كۆی پڕۆسه‌كه‌،  به‌و شێوه‌یه‌ش زۆرترین كاتی سه‌رپه‌رشتیاران له ‌خوێندنگه‌كاندا ده‌بێت".

 

به‌وته‌ی ناوبراو بۆ ئێس ئێن ئێن راشیگەیاندووە:  "ئه‌و به‌رنامه‌یه‌ چڕو پڕه‌و ساڵی رابردووش له‌ سنووری په‌روه‌رده‌ی رۆژهه‌ڵات جێبه‌جێكراو بۆ ئه‌مساڵیش بڕیاره‌ بۆ سه‌رجه‌م په‌روه‌رده‌كان په‌یڕه‌و بكرێت".

 

ئەم لێدوانەش بۆ رەتکردنەوەی ئەو دەنگۆیانەیە کە باس لەوە دەکەن کە گوایە بڕیارێك هه‌بێت بۆئه‌وه‌ی ‌ساڵی داهاتوو سه‌رپه‌رشتیارانی په‌روه‌رده‌یی له ‌خوێندنگه‌كاندا ده‌وام بكه‌ن و ژووریان پێ بدرێت.





loading...











زۆرترین بینراوەکان