پەكەكە رەتیدەكاتەوە پەیوەندی بە روداوی تەقەكردنەكەی هەولێرەوە هەبێت


نەتەوە  |   16:37:45 2019-07-17  |   (152) جار خوێندراوەتەوە

loading...
هێزەكانی پاراستنی گەل "هەپەگە" رەتیدەكاتەوە ئەوان لە پشت هێرشەكەی ناو رێستۆرانتەكەی شاری هەولێر بن.
A+    A-

 

كەناڵی "روسیا الیوم" لەزاری دیار دەنیز بەرپرسی راگەیاندن و چاپەمەنی (هەپەگە)، كە باڵی سەربازیی پارتی كرێكارانی كوردستان (پەكەكە)یە بڵاویكردوەتەوە، هیچ پەیوەندییەكیان بەو هێرشەوە نییە، كە لەشاری هەولێر ئەنجامدراوە.


بەرپرسی راگەیاندن و چاپەمەنی هەپەگە جه‌ختیشیكردۆته‌وه‌، هیچ زانیاریەكیشیان نییە، كە كێ‌ لەپشت ئەو هێرشەوە بووە.


لەلایەكی دیكەوە بەپێی ئەو زانیاریانەی ئاژانسی ئەنادۆڵی توركیا كەوتون، هێرشەكە لەكاتێكدا ئەنجامدراوە، كە ژمارەیەك لە دیپلۆماتكارانی كۆنسوڵخانەی وڵاتەكەیان لە هەولێر بەمەبەستی نان خواردن روویان لە رێستۆرانتێكی شارەكە كردبوو و لە ئەنجامی هێرشەكەدا دیپلۆماتكارێكی توركیا لە شوێنی روداوەكەدا گیانی لەدەستداوە.





loading...











زۆرترین بینراوەکان