سزای زیندانی هەتاهەتایی بەسەر پەنابەرێكی كورددا سەپێنرا


نەتەوە  |   18:47:26 2019-07-10  |   (130) جار خوێندراوەتەوە

loading...
سزای زیندانی هەتاهەتایی بەسەر ئەو پەنابەرە كوردەی تۆمەتباربوو بە دەستدرێژی و كوشتنی كچێكی مێرمنداڵی ئەڵمانی، سەپێنرا.
A+    A-

 

رۆژی چوارشەممە دانیشتنی تایبەت بە دۆسیەی كوژرانی سوزانا فیڵدمانی تەمەن 14 ساڵ لە ئەڵمانیا بەڕێوەچوو و تێیدا عەلی بەشار، تۆمەتباری دۆسیەكە سزای زیندانی هەتاهەتایی بەسەردا سەپێنرا، ناوبراو لەدادگا تاوانی دەستدرێژی و كوشتنی خرابوەپاڵ، بەڵام وێڕای دانپێدانان بە كوشتنی ئەو كچە، نكۆڵی لە دەستدرێژی كردبوو.


جێی باسه‌ عەلی بەشاری تەمەن 22 ساڵ، كە لەگەڵ بنەماڵەكەی وەك پەنابەر روویان لە ئەڵمانیا كردبوو، لە 23 ی ئایار 2018دا ئەو كچەی كوشتبوو، تەرمەكەشی شاردبوەوە، دواتر لەگەڵ بنەماڵەكەی گەڕابوونەوە بۆ هەرێمی كوردستان، بەڵام لەسەر داوای پۆلیسی ئەڵمانیا لە هەرێم لە 9 ی حوزەیرانی هەمان ساڵ دەستگیركرا و گەڕێنرایەوە بۆ ئەو وڵاتە.





loading...











زۆرترین بینراوەکان