هێرشی ئێران بۆ سه‌ر ناوچه‌یه‌كی هه‌رێم شه‌هید و برینداری لێكه‌وته‌وه‌


نەتەوە  |   13:40:06 2019-07-10  |   (119) جار خوێندراوەتەوە

loading...
تۆپخانه‌كانی كۆماری ئیسلامی ئێران بۆردومانی ناوچه‌یه‌كی هه‌رێمی كوردستان ده‌كه‌ن و باس له‌وه‌ده‌كرێت به‌ هۆیه‌وه‌ چوار شه‌هید و برینداری لێكه‌وتوه‌ته‌وه‌.
A+    A-

 

كرمانج عیززەت، قایمقامی قەزای سۆران، بە ماڵپەڕی فەرمیی پارتی راگەیاندوه‌: " لەمەوبەر ھێزەكانی ئێران لە دۆڵ مەیدانی دیوی ئێرانەوە بە تۆپی دوورھاوێژ دەستیان بە تۆپبارانكردنی دەڤەری سیدەكان كردووە، كە ئەو شوێنانەشدەكەونە بناری چیایی ھەڵگورد".


عیززەت گوتیشی، ھەریەك لە گوندەكانی تەڵان و بەربزین و دێرێ و بیرتێ و دووستانا سەقەر، لەلایەن تۆپخانەكانی كۆماری ئیسلامیی ئێرانەوە كراونەتە ئامانج.


 ناوبراو دەشڵێت: "تۆپبارانەكە بەردەوامە و ئەو شوێنانەش كە تۆپباران دەكرێن، شوێنی نیشتەجێبوونی ھاووڵاتیانن، بەڵام تا ئێستا زیانەكان نەزانراون".


له‌ لایه‌كی تره‌وه‌ به‌ پێی هه‌واڵێكی سایتی رۆژ نیوز، تۆپبارانەکە گوندەکانی، 'تەلان- شکەنە و ماڵە مەلا'ی گرتووەتەوە، لە ئەنجامیدا تۆپ بەر ماڵی هاوڵاتییەک لە گوندی تەلان کەوتووە، بووەتەهۆی شەهیدبوونی کەسێک و برینداربوونی سیانی دیکە کە ئەندامی یەک خێزانن.


ئه‌مه‌ش دوای ئه‌وه‌ دێت كه‌ رۆژی سێ شه‌ممه‌ له‌ شاری پیرانشاری رۆژهه‌ڵاتی كوردستان له‌ ئه‌نجامی هێرشێكی چه‌كداریدا سێ ئه‌ندامی كوردی سوپای پاسداران كوژران و به‌رپرسانی ئێرانیش له‌ ناوچه‌كه‌ حزبه‌كانی رۆژهه‌ڵاتیان به‌ ئه‌نجامدانی ئه‌و هێرشه‌ تۆمه‌تبار كرد.


ماوه‌ی نزیكه‌ی سێ ساڵه‌ به‌شێك له‌ حزبه‌كانی رۆژهه‌ڵاتی كوردستان ژماره‌یه‌ك له‌ هێزه‌كانیان له‌ بناری هه‌ڵگورد جێگیركردووه‌.
 





loading...











زۆرترین بینراوەکان