راپرسیه‌ك له‌ باره‌ی ئه‌نجامی هه‌ڵبژاردنی داهاتووی ئه‌مریكا ده‌خرێته‌ڕوو


نەتەوە  |   15:22:00 2019-06-17  |   (121) جار خوێندراوەتەوە

loading...
به‌پێی راپرسیه‌ك "دۆناڵد ترامپ" سه‌رۆكی ئه‌مریكا له‌ نێوان ئه‌و كه‌سانه‌ی ناوی خۆیان بۆ هه‌ڵبژاردنی داهاتووی سه‌رۆكایه‌تی ئه‌و وڵاته‌ كاندید كردووه‌، كه‌مترین چانسی سه‌ركه‌وتنی هه‌یه‌.
A+    A-

 

ئه‌و راپرسیه‌ كه‌ له‌ لایه‌ن  تۆڕی فۆكس نیوزی ئەمریكی له‌ باره‌ی هه‌ڵبژاردنی داهاتووی سه‌رۆكایه‌تی ئه‌مریكا ئه‌نجامدراوه‌ ده‌ریده‌خات، جۆ بایدن جێگری سەرۆكی پێشووی ئەو وڵاتە پێش دۆناڵد ترامپ سەرۆكی ئێستا كەوتوە و تەنانەت ترامپ لە ریزبەندیی شەشەمدا دێت لەناو پاڵێوراوەكاندا.


بەپێی راپرسییەكە، بایدن بە 49%ی دەنگەكان پێش ترامپ كەوتوە، كە 39%ی دەنگەكانی بەدەستهێناوە، هەروەها لەبەراوردی ترامپ و بیرنی ساندەرز پاڵێوراوی هەڵبژاردنەكان، ساندەرز 49%ی بەدەستهێناوە و ترامپ 40%.


تۆڕەكە رونیشیكردوەتەوە، لەراپرسیەكەدا هەریەكە لەپاڵێوراوان "ئێلیزابێس وۆرن، كمالا هاریس و بیت بۆتیتجەج" پێش ترامپ كەوتون.


بڕیاره‌ له‌ مانگی تشرینی دووه‌می ساڵی 2020 هه‌ڵبژاردنی سه‌رۆكایه‌تی ئه‌مریكا به‌ڕێوه‌بچێت.
 





loading...











زۆرترین بینراوەکان