راوێژكارێكی رۆحانی دانی بە كوشتنی هاوسەرەكەیدانا


نەتەوە  |   19:55:50 2019-05-28  |   (2,413) جار خوێندراوەتەوە

loading...
سەرۆكی "پێشووی شارەوانی تاران و یەكێك لە راوێژكارانی سەرۆككۆماری ئێران" دوابەدوای كوشتنی ژنی دووەمی خۆی بەدەستەوەدا و دانی بە تاوانه‌كه‌دا ناوە.
A+    A-

 

له‌وباره‌یه‌وه‌ محەمەد شەهریاری، سەرپەرشتیاری دادگای تاوانەكانی تاران، ئاشكرایكردووه‌، محەمەد عەلی نەجەفی، سەرۆكی پێشووی شارەوانی پایتەخت، خۆی رادەستی هێزەكانی پۆلیس كردووە و دانی بەوەداناوە، كە هاوسەری دووەمی خۆی كوشتووە.


ئه‌وه‌شی خسته‌ڕوو، نەجەفی هۆكاری ئەنجامدانی ئەو تاوانەی بۆ كێشەی خێزانی گەڕاندۆتەوە و ئەو چەكەشی رادەست كردووە، كە تاوانەكەی پێ ئەنجامداوە.


جێی باسه‌، بەرەبەیانی رۆژی سێشەممە میدیاكانی ئێران هەواڵی كوژرانی میترا ئوستاد، هاوسەری دووەمی سەرۆكی پێشووی شارەوانی تارانیان بڵاوكردەوە و ئه‌وه‌شیان خسته‌ڕوو، كە هاوسەرەكەی گومانلێكراوی سەرەكیە.


محەمەد عەلی نەجەفی، كە لە نێوان ساڵانی 1988 بۆ 1998 وەزیری پەروەردە بوو، بۆ ماوەیكیش بەرپرسیارێتی دامەزراوەی بودجەی لە ئەستۆ بوو، بە یەكێك لە راوێژكارەكان و كەسە نزیكەكانی حەسەن روحانی سەرۆك كۆماری ئێران دادەنرێت و ساڵی رابردوو بۆ ماوەی هەشت مانگ سەرۆكی شارەوانی تاران بوو، كە دواتر بە پاساوی نەخۆشیەوە دەستی لە كاركێشایەوە.





loading...











زۆرترین بینراوەکان