كه‌ی سه‌رۆكی نوێی هه‌رێم و سه‌رۆكی حكومه‌ت سوێندی یاسایی ده‌خۆن و ده‌ستبه‌كارده‌بن؟


نەتەوە  |   14:24:55 2019-05-18  |   (299) جار خوێندراوەتەوە

loading...
ئەندامێکی شاندی دانوستانکاری پارتی دیموکراتی کوردستان بۆ پێکهێنانی کابینەی نوێی حکوومەتی هەرێمی کوردستان جەختی لەوە کردەوە کە سەرۆکی هەرێم "لە کاتی خۆیدا سوێندی یاسایی دەخوات".
A+    A-

 

فرسەت سۆفی، ئەندامی شاندی دانوستانکاری پارتی ڕایگەیاندوه‌، پرۆسەی هەڵبژاردنی سەرۆکی هەرێمی کوردستان لەلایەن پەرلەمانەوە بەپێی ئەو ماوە یاساییەی دیاری کراوە، دەڕوات بەڕێوە، ”ئەوەندەی من بزانم، نە ڕۆژێک دوادەکەوێت و نە پێش دەخرێت، ماوەی یاسایی بە پێی یاسای تایبەت بە کاراکردنەوەی سەرۆکایەتیی ھەرێمی کوردستان، ھەڵبژاردنی سەرۆکی ھەرێمی بە جۆرێک دەبێت کە سێ ڕۆژ بۆ خۆپاڵاوتن، دوو ڕۆژ بۆ تانەدان، دوو ڕۆژ بۆ دادگای تەمیز و حەوت رۆژ بۆ سوێند خواردن“.


بەپێی ئەو ماوە یاساییانەی کە بۆ هەڵبژاردنی سەرۆکی هەرێمی کوردستان دانراوە، سەرۆکی هەرێم لە ڕۆژی 26ی 5ی 2019 یان ڕۆژێک دواتر سوێندی یاسایی دەخوات و لە سەرەتای مانگی 6ی داهاتوودا مەسروور بارزانی بۆ پێکهێنانی کابینەی نوێی حکوومەتی هەرێمی کوردستان رادەسپێرێت.


جێی باسه‌ پارتی دیموكراتی كوردستان نێچیرڤان بارزانی بۆ پۆستی سه‌رۆكی هه‌رێم كاندید كردووه‌ و یه‌كێتی و گۆڕانیش كه‌ پۆستی جێگرانی سه‌رۆكی هه‌رێمیان به‌رده‌كه‌وێت پاڵپشتی له‌و كاندیده‌ ده‌كه‌ن و جگه‌ له‌و چه‌ند كه‌سی تر خۆیان كاندید كردووه‌ و بڕیاره‌ رۆژی یه‌كشه‌ممه‌ 19 ی ئایار به‌ فه‌رمی ناوی كاندیده‌كان له‌ لایه‌ن سه‌رۆكایه‌تی په‌رله‌مانه‌وه‌ رابگه‌یه‌نرێت.
 





loading...











زۆرترین بینراوەکان