تورکیا لەبارەی گۆشەگیریی سەر ئۆجەلانەوە دو بڕیاری خۆی ئاشکراکرد


نەتەوە  |   16:40:31 2019-05-16  |   (117) جار خوێندراوەتەوە

loading...
وەزیری دادی توركیا "هەڵگرتنی قەدەغەی دیداری لەسەر عەبدوڵڵا ئۆجەلان و پارێزەرەكانی راگەیاند و دەڵێت: "لەمەودوا پارێزەران دەتوانن سەردانی ئیمرالی بكەن".
A+    A-


بەگوێرەی هەواڵێک کە ئاژانسی (فورات نیوز) بڵاویكردووەتەوە، ئەمڕۆ پێنجشەممە رێکەوتی 2019/5/16 هەریەك لە پارێزەران جەنگیز یورەكلی، نەورۆز ئوویسال، فایەق ئۆزگور ئەرۆل و مەزڵووم دینچ بەمەبەستی چاوپێكەوتن لەگەڵ ئۆجەلان داواكارییەكی دیكەیان پێشكەشی سەرۆكایەتی داواكاری گشتی شاری بورسا كردووە.

 

لەوبارەیەشەوە عەبدولحەمید گیول، وەزیری دادی توركیا لە لێدوانێكی رۆژنامەوانیدا رایگەیاندووە قەدەغەی دیداری سەر عەبدوڵڵا ئۆجەلان، رێبەری زیندانیكراوی پەكەكە و پارێزەرانی هەڵگیراوە.

 

ئەوەش لەكاتێكدایە، کە لە رۆژی 2011/7/27-ەوە تا 2019/5/2 پارێزەرەکانی  ئۆجەلان رێگەیان پێ نەدرابوو سەردانی ئیمرالی بكەن و لەو ماوەیەدا 810 داواكارییان رەتكراوەتەوە، بەڵام رۆژی 2019/5/2 دووان لە پارێزەرەکانی ئۆجەلان توانیان سەردانی ئیمرالی بكەن و چاویان پێی بکەوێت.





loading...











زۆرترین بینراوەکان