دیوانی سه‌رۆكایه‌تی هه‌رێم هۆكاری گواستنه‌وه‌ی ژماره‌یه‌ك له‌ فه‌رمانبه‌رانی رونده‌كاته‌وه‌


نەتەوە  |   14:13:35 2019-05-15  |   (435) جار خوێندراوەتەوە

loading...
دیوانی سەرۆکایەتیی هەرێمی کوردستان "رەتیدەکاتەوە، گواستنەوەی راژەی ژمارەیەک فەرمانبەر بۆ وەزارەتەکانی دیکە بڕیارێکی سیاسی بێت" و دەڵێت "تەنها رێکارێکی کارگێڕییە".
A+    A-

 

لە روونکردنەوەیەکدا دیوانی سەرۆکایەتیی هەرێمی کوردستان رایگەیاند "لەماوەی چەند رۆژی رابردوودا "هەواڵێکی نادروست" بڵاوکراوەتەوە سەبارەت بە گواستنەوەی راژەی ژمارەیەک لە فەرمانبەرانی دیوان بۆ وەزارەتەکانی حکومەتی هەرێمی کوردستان، "ئێمە لە دیوانی سەرۆکایەتی سەرلەبەری ئەو دەنگۆیانە رەتدەکەینەوە کە بابەتەکە پەیوەندی بە لایەنی سیاسییەوە هەبێت".


دیوانی سەرۆکایەتیی هەرێمی کوردستان ئاماژەی بەوەدا "لە چوارچێوەی رێکخستنەوە و ترشیق (بچووککردنەوە)ی هەیکەلیەتی دیوانی سەرۆکایەتیی هەرێمی کوردستان، بڕیاردراوە بە ئەنجامدانی ژمارەیەک گۆڕانکاری و رێکخستنەوەی میلاکات، لەسەر ئەم بنەمایەش ژمارەیەک لە فەرمانبەرەکان کە میلاکیان زیادەیە راژەکانیان گواستراونەتەوە بۆ وەزارەکان، بۆ ئەوەی بتوانرێ سوود لە تواناکانیان وەربگیرێت لە دامەزراوەکانی هەرێمی کوردستان".


دیوانی سەرۆکایەتیی هەرێمی کوردستان ئەوەشی وتوە "گشت لایەک دڵنیادەکەینەوە کە پرۆسەکە تەنیا رێکارێکی کارگێڕییەوە و هیچ پەیوەندییەکی بە لایەنی سیاسییەوە نییە، خەڵکی بێلایەن و ئەندامانی پارتیی دیموکراتی کوردستان و یەکێتیی نیشتمانیی کوردستان و لایەنەکانی تری تێدایە".


لە روونکردنەوەکەدا دیوانی سەرۆکایەتیی هەرێمی کوردستان داوا لە دەزگاکانی راگەیاندن دەکات "رەچاوی بنەماکانی راستگۆیی بکەن لەکاتی بڵاوکردنەوەی هەواڵەکان".
 





loading...











زۆرترین بینراوەکان