فراكسیۆنی پارتی راگه‌یه‌ندراوێكی بڵاوكرده‌وه‌


نەتەوە  |   18:25:07 2019-05-14  |   (560) جار خوێندراوەتەوە

loading...
فراكسیۆنی "پارتی" لە ئەنجومەنی نوێنەرانی عێراق لەبارەی ڕووداوەكەی گوندی پەلكانەی سنووری پارێزگای كەركووك بەیاننامەیەكی بڵاوكردەوەو تێیدا ئاماژه‌ به‌ هەوڵی گۆڕینی دیموگرافیا لەو پارێزگایە دەكات.
A+    A-

 

له‌ به‌شێكی به‌یاننامه‌كه‌ی فراكسیۆنی پارتیدا هاتووه‌، "هەوڵەكانی گۆڕینی دیمۆگرافیای گوندەواری كەركووك بەردەوامە و پارێزگاری سەپێندراو و دەسەڵاتی سەربازی خەریكی گۆڕینی دیمۆگرافیای ناوچەكەن".


ئاماژه‌ به‌وه‌شكراوه‌، "هەوڵی گۆڕینی دیمۆگرافیای گوندی پەڵكانە و 16 گوندی دیكە دەدرێت و بە توندی ئیدانەی ئەم كردەوە شۆڤێنیانە دەكەین".


جێی باسه‌ پێش نیوەڕۆی رۆژی سێشەممە 14/5/2019 زیاتر لە 20 بنەماڵەی عەرەب كە سەدان كەس دەبن و ئەوانەن كە كاتی خۆی ڕژێمی بەعس هێنابوونیە ناوچەكە، بە پاڵپشتیی هێزێكی سەر بە سوپای عێراق، چوونەتە سەر گوندی (پەلكانە)ی ناحیەی سەرگەڕانی سەر بە قەزای دوبز و دەستیان بەسەر چەند خانوویەكدا گرتووە.
 





loading...











زۆرترین بینراوەکان