هەڵمەتی رێكخستنەوەی بازاڕو شەقامەکانی سلێمانی دەستپێدەکات


نەتەوە  |   16:44:17 2019-05-09  |   (104) جار خوێندراوەتەوە

loading...
شارەوانی سلێمانی، هەڵمەتێك بۆ "لابردنی زیادەڕۆیی لە سەنتەری شارو دەست بەسەرداگرتنی ماتۆرسكیلی بێ سەرەتا و ئەو عەرەبانانە دەست پێدەکات کە شۆستە و شەقامەكانیان قۆرخ كردووە.
A+    A-


لەو رووەوە بەڕێوەبەرایەتی هاتوچۆی پارێزگای سلێمانی، لەپەیجی تایبەتی خۆی لە تۆڕی كۆمەڵایەتی فەیسبووك بڵاویكردووەتەوە کە ئەمڕۆ پێنجشەممە رێکەوتی 2019/5/9، لە چوارچێوەی كارو چالاكییەکانی بەشی زیادەرۆیی شارەوانی سلیمانیدا و بە هاوئاهەنگی لەگەڵ هاتووچۆی ناوشار و پۆلیسی ئینزیبات و پۆلیسی شارەوانیدا، هەڵمەتێكیان دەستپێكردووە بە مەبەستی لابردنی زیادەڕۆیی و دەستبەسەرداگرتنی ماتۆرسكیلی بێ سەرەتا و ئەو عەرەبانانەی شۆستە و شەقامەكانیان قۆرخكردووەو ئاستەنگی هاتوچۆیان بۆ پیادەڕۆ و شۆفێران دروستكردووە.

 

لەو راگەیەندراوەدا ئاماژەش بەوە دراوە کە هەڵمەتەكەی ئەمڕۆ لە سەنتەری شارو نزیک  دادگای كۆن و شەقامی مەولەوییەوە دەستیپێکردووەو لێپرسینەوەش لەو دوكاندارانە كراوە كە زیادەڕۆییان كردۆتە سەر شۆستەكان.

 

هاتوچۆی سلێمانی ئەوەشی ئاشكراكردووە، ئەم جۆرە هەڵمەتانە لەكات و شوێنی پێویستدا بەردەوام دەبێت، بەمەبەستی رێكخستنی ناوبازاڕ و فەراهەمكردنی جموجۆڵێكی هاتووچۆی لەبار بۆ بەكارهێنەرانی شەقامەکان لە شاری سلێمانی.





loading...











زۆرترین بینراوەکان