مەلا کرێکار ئامادەیی بۆ گەڕانەوە بۆ کوردستان نیشان دەدات


نەتەوە  |   16:12:47 2019-05-09  |   (521) جار خوێندراوەتەوە

loading...
مەلا کرێکار، ئەمیری پێشووی گروپی ئەنسارولئیسلام رایدەگەیەنێت ئامادەیە بگەڕێتەوە بۆ هەرێمی کوردستان و حاکم رزگار دادگایی بکات.
A+    A-


لە گرتەیەکی ڤیدیۆیدا کە لەبارەی گەڕانەوەیەوەو دەدوێت، مەلا کرێکار رایگەیاندووە: "ئەگەر بێمەوە بۆ کوردستان و رێگام بدەن، ئامادەم بێمە دادگا و رازیم حاکم رزگار سەرپەرشتی دادگاییەکە بکات.

 

ئاماژەشی بەوە داوە کە با ئەوانەی دادگایی دەکەن "پێنج کەس بن، یەکێک لە گۆڕان بێت، یەکێک لە پارتی و یەکێک لە یەکێتی و یەکێک لە یەکگرتوو و یەکێک لە کۆمەڵ ئامادەبن و حاکم رزگاریش سەرپەرشتیی دادگاییکردنەکە بکات".

 

ئەو  لە ساڵی 1992 پەیمانگای دادوەری باڵای لە بەغدا تەواوکردوە و بۆ ماوەی سێ ساڵ کاری پارێزەرایەتی کردوە و دواتر بە جیا هەر یەکە لە پۆستەکانی دادوەری لێکۆڵینەوە و دادوەری دادگای بەرایی و سەرۆکی دادگایی تاوان و جێگری سەرۆکی دادگای تیاهەڵچونەوە لە شاری سلێمانی وەرگرتووە.

 

هەروەها دەڵێت، "کێ شتی لەسەر من هەبوو لە خێڵی حەمە و نەک هەر لەوێ کێ رۆژێک لە رۆژان حەقێکی لەسەرم هەبوو من ملکەچم و دەتوانێت لێم وەربگرێتەوە". 

 

حاکم رزگار، لەساڵی 1957 لە سلێمانی لەدایکبوە و یەکەم دادوەری دادگای باڵای تاوانەکانی عیراق بوو کە تایبەت بوو بە دادگاییکردنی سەدام حسێن و سەرانی رژێمی پێشووی عیراق و لەلایەن زۆرێک لە ناوەندە یاساییەکانەوە بە کەسێکی پیشەیی لەبواری دادوەریدا ناوبانگی دەرکردووە.





loading...











زۆرترین بینراوەکان