لەم ناوچەیەی هەرێم شەڕ دروستبوو و چەکی قورسی تێدا بەکارهێنرا


نەتەوە  |   15:37:47 2019-05-09  |   (375) جار خوێندراوەتەوە

loading...
شەڕ لەم ناوچەیەی هەرێم لە نێوان "دوو بنەماڵەدا روویداو بەو هۆیەشەوە چەکی قورس لەلایەن لایەنێکی کێشەکەوە بەکارهاتووەو قوربانی لێکەوتووەتەوە".
A+    A-


پاشنیوەڕۆی ئەمڕۆ پێنجشەممە  رێکەوتی 2019/5/9 شەڕ لە کۆمەڵگەی چڕەی سەر بەقەزای شێخانی نزیک لە دهۆک روویدا.

 

بەوتەی شایەتحاڵێک کە لە شوێنی رووداوەکەوە بە سایتی دواڕۆژی راگەیاندووە: شەڕەکە لەنێوان بنەماڵەی وەردەک و خەڵکی چڕەی کۆندا روویداوەو چەکی قورسی تێدا بەکارهێنراوە.

 

ئەو شایەتحاڵە ئاماژەی بەوەشکردووە کە چوار گولـلەی ئاڕبیجی بەر ماڵی كه‌سایه‌تییه‌كى بنەماڵەی وەردەک کەوتووەو بەگوێرەی زانیارییە سەرەتاییەکانیش قوربانی لێکەوتووەتەوە.

 

هەر بەپێی زانیارییەکانیش هێزە ئەمنییەکان لە دهۆک و بەردەڕەش و رۆڤیا و شێخان و ئاکرێ بەرەو کۆمەڵگای چڕە دەچن و هێزێکی ئەمنی زۆریش لە ئاسایش و پۆلیس و پێشمەرگە گەیشتوونەتە شوێنەکە و شەڕەکەش لە نێوان ئەو دوو بنەماڵەیەدا بەردەوامەو کۆنتڕۆڵ نەکراوەو چوار گولـلەی ئاڕبیجی بەر ماڵێک کەوتووە و ژمارەیەک هاووڵاتی بوونەتە قوربانی.

 

جێی ئاماژەیە کۆمەڵگەی چڕە سەربە ناحیەی قەسڕۆک-ه‌ لە سنووری قەزای شێخان.





loading...











زۆرترین بینراوەکان