شیرین ئەمین ڕوونكردنەوەیەك بڵاوكرده‌وه‌  


نەتەوە  |   20:04:13 2019-05-08  |   (1,620) جار خوێندراوەتەوە

loading...
ئەندامێكی پەڕلەمانی كوردستان لە فراكسیۆنی گۆڕان ڕایدەگەیەنێت، "لە دانیشتنی ئەمڕۆدا دەنگم بەو بڕگانە نەداوە، كە رێگە دەدات سەرۆكی هەرێم بێ بڕوانامە بێت و كاری حزبیش بكات".
A+    A-

 

شیرین ئەمین، ئەندامی پەڕلەمانی كوردستان لە فراكسیۆنی گۆڕان لە ڕوونكردنەوەیەكدا، ڕایگەیاندووە، سەرەڕای ئەوەی حزبەكەی من پرۆتۆكۆڵی لەگەڵ پارتی كردوە و دیارە لە تەوافقی سیاسیشدا سەد لەسەد ئامانجی تۆ جێگر نابێت، بەڵام دەبێت پابەند بیت بەو ڕێكەوتنەوە.


ئاماژه‌ی بۆ ئه‌وه‌شكردووه‌، سەڕەڕای تەوافقی سیاسیش ئەو بڕگانەی پێم پەسەند نەبووە دەنگم پێ نەداوە لەنێوەندیاندا، كە سەرۆك دوو جێگری ھەبێت و سەرۆك بێ بڕوانامەی بەكالۆریۆس بێت، هێمای بۆ ئه‌وه‌شكردووه‌، كەسانێكی نامەنتق ولۆژیك بێ هیچ بنەمایەك منیان خستۆتە بەر لێشاوی ڕەخنە، كە من دەنگم بەو بڕگەیە داوە كە سەرۆكێكی بێ بڕوانامە ھەبێت.


دەقی رونكردنەوەكەی (شیرین ئەمین):
بۆ ئەوانەی نایەنەوێ تێبگەن….
ڕونكردنەوەیەك بۆ ڕای گشتی..
ئەمڕۆ پێشنیازی یاسای كاراكردنەوەی دامەزراوەی سەرۆكایەتی ھەرێم لەپەڕلەمانی كوردستان پەسەندكرا…
بەپێویستی دەزانم بۆڕای گشتی بیخەمەڕوو سەرەڕای ئەوەی حزبەكەی من پرۆتۆكۆڵی لەگەڵ پارتی كردوە وە دیارە لەتەوافقی سیاسیشدا سەد لەسەد ئامانجی تۆ جێگر نابێت بەڵام دەبێت پابەند بیت بەو ڕێكەوتنەوە وە لەسەروی ئەمەوە ئەم پێشنازی یاساییە گۆڕان خۆی بەخاوەندارێتێ دەزانێت سەڕەڕای بونی چەند تێبینی و سەرنجێك بەڵام دواجار سیستەمی پەڕلەمانی جێگركرا كەئامانجی بزوتنەوەكە بوو ، سەرەڕای ئەمەش ئەو بڕگانەی پێم پەسەند نەبوە من دەنگم پێ نەداوە لەنێوەندیاندا كەسەرۆك دو جێگری ھەبێت ، وە سەرۆك بێ بڕوانامەی بەكالۆریۆس بێت بەڵام كەسانێكی نامەنتق ولۆژیك بێ ھیچ بنەمایەك منیان خستۆتە بەر لێشاوی ڕەخنە كە من دەنگم بەو بڕگەیە داوە كەسەرۆكێكی بێ بڕوانامە ھەبێت لەكاتێكدا من دەنگم بەماددەی چوار ڕای سێیەم خاڵی یەك دەڵێت بەلایەنی كەم خوازیاری پۆستی سەرۆكی ھەرێم بڕوانامەی بەكالۆریۆسی ھەبێت..

وەخاڵی دوو خوازیاری پۆستی سەرۆكی ھەرێم دەست بەرداری كاروباری حزبی بێت تاكۆتای ھاتنی ویلایەتەكەی من دەنگم بەو دوپێشنازە داوە.

ئیدی ئەم لێشاوی ڕەخنە بێ بنەمایانە لەكوێوە سەرچاوەی گرتوە بەڕاستو چەپدا ڕەخنەی نامەنتیق دەگرن…

شیرین ئەمین
ئەندامی پەڕلەمانی كوردستان
 





loading...











زۆرترین بینراوەکان