هاندەران و پۆلیسی دهۆک چەند یاریزانێکی ئاکرێ بریندار دەکەن


نەتەوە  |   13:15:18 2019-04-04  |   (131) جار خوێندراوەتەوە

loading...
ئه‌ندامێكی ده‌سته‌ی كارگێڕیی یانه‌ی ئاكرێ رایگەیاندووە: "دوای كۆتایی هاتنی یاری یانه‌كه‌یان له‌ به‌رامبه‌ر یانه‌ی دهۆكدا، هانده‌ران و پۆلیس هێرشیان کردووەتە سه‌ر یاریزان و ئه‌ندامانی دیکەی یانه‌كه‌یان".
A+    A-


لەوبارەیەوە سیروان زوبێر، ئه‌ندامی ده‌سته‌ی كارگێڕی یانه‌ی ئاكرێ بە رۆژنامەنووسانی وتووە: "ئێواره‌ی دوێنێ دوای كۆتایی هاتنی یاریی یانه‌كه‌مان له‌ به‌رامبه‌ر یانه‌ی دهۆك و له‌شاری دهۆك، هه‌رچه‌ند یارییه‌كه‌ به‌ گۆڵێكی بێ به‌رامبه‌ر له‌ به‌رژه‌وه‌ندیی یانه‌ی دهۆك كۆتایی هات، به‌ڵام هانده‌رانی یانه‌ی دهۆك هێرشیان كرده‌ سه‌ر تیپه‌كه‌مان و ژماره‌یه‌ك یاریزانی ئێمه‌یان بریندار كرد".

 

ئاماژەشی بەوە داوە کە "ئه‌وه‌ی جێگه‌ی نیگه‌رانییه‌ پۆلیسیش هێرشیان كردووەتە ‌سه‌ر یاریزانەکانی یانەکەی ئەوان و بەو ‌هۆیەشە‌وه‌ چه‌ند یاریزانێكیان بریندار بوون، دواتریش هێرش كراوەتە ‌سه‌ر پاسی گواستنه‌وه‌ی یاریزانەکانیان".

 

ئه‌وه‌شی روونکردووەتەوە کە "ئه‌وه‌ جاری دووه‌مه‌ یانه‌كه‌یان له‌لایه‌ن هانده‌رانی دهۆكەوە هێرشیان ده‌كرێته‌ سه‌رو په‌لاماری یاریزانه‌كانیان ده‌درێت".

 

بەسوپاسەوە وێنەکە لە سایتی خەندان-ەوە وەرگیراوە





loading...











زۆرترین بینراوەکان