لیستی موچەی مانگی 1 بەمشێوەیە دەبێت


نەتەوە  |   11:28:37 2019-03-27  |   (13,769) جار خوێندراوەتەوە

loading...
لیستی موچەی مانگی یەكی ئەمساڵ "بەبێ لێبڕینی قەرزی پێشینەكان" ئامادە دەكرێت، بەڕێوەبەری گەنجینەكی یەكی سلێمانیش لەوبارەیەوە زانیاری دەخاتەڕوو.
A+    A-

 

بەپێی زانیارییەكان، لیستی موچەی مانگی 1 بەبێ لێبڕینەكانی ئامادە دەكرێت، بەڵام وەزارەتی دارایی بەنیازە رێنمایی بۆ شێوازی وەرگرتنەوەی پێشینەكان لەفەرمانبەران دەربكات.


حەسەن رەشید، بەڕێوەبەری گەنجینەی یەكی سلێمانی رایگەیاندوە، بیستومانە كە وەرگرتنەوەی قەرزی پێشینەكان لەفەرمانبەران دەستپێدەكاتەوە، بەڵام بەفەرمی هیچ رێنماییەكمان بۆ نەهاتوە.


ناوبراو لە درێژەی لێدوانەكەی بۆ سایتی ئێس ئێن ئێن وتیشی:"موچەی مانگی (1) بەبێ لێبڕینەكان ئامادەدەكرێت، بەڵام  ئەو فەرمانبەرانی بوونەتە كەفیلی هاووڵاتیان و پابەندنەبوون بەگەڕاندنەوەی قەرزەكان لەم مانگەوە ئاگاداری كەفیلەكانیان دەكرێت، ئەگەر بەدەمییەوە نەیەن، ئەوكاتە موچەی كەفیلەكان رادەگیرێت".


ئاماژەی بەوەشكرد، ئەو فەرمانبەرانەی قەرزی پێشینەیان وەرگرتووەو پاشان مۆڵەتی پێنج ساڵەیان كردووە، هیچ رێنماییەك نییە بۆ چۆنیەتی مامەڵەكردن لەگەڵ ئەو حاڵەتەدا.
 





loading...











زۆرترین بینراوەکان