لەبارەی رووداوەكەی موسڵەوە چەند بڕیارێكی دەدریت


نەتەوە  |   17:53:07 2019-03-22  |   (230) جار خوێندراوەتەوە

loading...
لەكۆبونەوەی ئەمڕۆی ئەنجومەنی "پارێزگای نەینەوادا چەند بڕیارێك لەبارەی ڕووداوەكەی دوێنێی هەڵگەڕانەوەی بەلەمە گەشتیارییەکەوە دەرکراو دەست دەکرێت بە گرتنەبەری ڕێوشوێن لەگەڵ ئەو کەسانەی لە کەمتەرخەمییەوە تێوەگلاون".
A+    A-


ئەنجومەنی پارێزگای نەینەوا لە بەیاننامەیەكدا بڕیاریدا، مۆڵەت لە خاوەنی ئەو شوێنە گەشتیارییە وەربگرێتەوەو بیداتە دادگا و بەپێی یاسا مامەڵەی لەگەڵدا بكرێت.

 

 هاوكات بڕیاریشیداوە کە قەرەبووی رزگاربووانی رووداوەكە بكرێتەوە.

 

ئەو ئەنجومەنە لە راگەیەندراوەکەیدا جەختی لەوەش كردووەتەوە کە سەرجەم لایەنە ئیداریی و چاودێرییەكان لە حكومەتی خۆجێیی موسڵدا پەڕاوی لێكۆڵینەوەیان بۆ دەكرێتەوە، كە بریتین لەم لایەنانە:

-دەستەی گەشتوگوزاری نەینەوا.

-بەرپرسی سەرچاوە ئاوییەكان و بەرپرسی بەنداوی موسڵ.

- وەزارەتی گواستنەوە و پشكنینی ئاوی و فریاگوزاریی رووبارەكان.

-دەستەی وەبەرهێنان و شارەوانیی موسڵ و خانووبەرەی دەوڵەت و بەڕێوەبەڕی بەرگریی شارستانی و كارمەندانی پاراستنی دوورگەكە.

 

ئەوەش لەكاتێكدا کە دوێنێ لە رووداوێكدا لە موسڵ بەلەمێك نوقمی ئاو بوو و بەسەر سەرنشینەکانیدا هەڵگەڕایەوە، كە بەهۆیەوە نزیكەی 100 كەس گیانیان لەدەستدا و نزیكی 30 كەسیش هێشتا بێسەروشوێنن.





loading...











زۆرترین بینراوەکان