دوای نه‌ورۆز موچەی چەند مانگێک بەسەریەکەوە دابەشدەکرێت


نەتەوە  |   01:29:22 2019-03-17  |   (9,552) جار خوێندراوەتەوە

loading...
وەزارەتی دارایی "هەرێم"، موچەی چەند مانگێكی خانەنشینی بەسەریەكەوە دابەشدەكات، به‌رپرسێكیش له‌وباره‌یه‌وه‌ زانیاری ده‌خاته‌ڕوو.
A+    A-

 

بەپێی زانیارییه‌كان، لەدوای جەژنی نەورۆزەوە، وەزارەتی دارایی، بەلیستێكی جیاواز، موچەی چەند مانگێكی خانەنشینان خەرج دەكات، ئەوانەی، كە لەدوای خانەنشینبوونیان موچەكانیان دواكەوتووە، بەتایبەت خانەنشینانی لەدایكبووی 1954 و 1955.


هەر به‌پێی ئه‌م زانیارییانه‌، سەرجەم موچەكانی ئەو خانەنشینانە بەیەكجار خەرجدەكرێت و بەسەریەكەوە وەریدەگرن"، لەوبارەشه‌وه‌، عەزیز عەلی فەتاح، بەڕێوەبەری خانەنشینی پێشمەرگە رایگەیاندوه‌، تائێستا لەوەزارەتی داراییەوە هیچ بڕیارێك نەدراوە بۆ خەرجكردنی موچەی خانەنشینانی لەدایكبووی 1953، چونكە ئەوان موچەكانیان كەوتە بەر پاشەكەوتی موچەوە.


ناوبراو له‌ كۆتایی لێدوانه‌كه‌ی بۆ سایتی ئێس ئێن ئێن وتیشی: "بەگوێرەی زانیارییەكان، خانەنشینانی لەدایكبووی 1955 لەدوای جەژنی نەورۆزەوە موچەكانیان بۆ خەرجدەكرێت، بەڵام ئەوان ژمارەیان كەمەو هەندێكیشیان چەند موچەیەكیان وەرگرتووە".
 





loading...











زۆرترین بینراوەکان