لیستی موچەی بێ پاشەكەوت بەمجۆرە ئامادە دەكرێت


نەتەوە  |   21:22:58 2019-03-09  |   (11,067) جار خوێندراوەتەوە

loading...
بەڕێوەبەری "گەنجینەی یەك لە سلێمانی"، روونكردنەوە لەبارەی ئامادەكردنی لیستی موچەی وەزارەتەكان بۆ مانگی 12ی 2018 دەدات و ئاماژه‌ به‌وه‌ده‌كات، لیستەكە هەمان لیستی موچەی پێشووە، بەڵام بڕی پارە پاشەكەوتكراوەكەی بە یاداشتێك بۆ زیاد دەكرێت.
A+    A-


حەسەن ڕەشید، بەڕێوەبەری گەنجینەی یەك لە سلێمانی، ڕایگەیاندوه‌، چاوەڕوانی وەزارەتی دارایی دەكرێت كە بڕیارە سبەینێ لەشێوازی ئامادەكردنی لیستی موچە بەبێ پاشەكەوت، ئاگادارمان بكاتەوەو دواتر لیستی موچەی  مانگی 12ی ساڵی رابردوو ئامادە دەكرێت.

 

ناوبراو له‌ درێژه‌ی لێدوانه‌كه‌ی بۆ سایتی ئێس ئێن ئێن رونیشیكردەوە، ئەو لیستەی بۆ موچەی مانگی 12 لەلایەن فەرمانگەكانەوە بۆمان رەوانەكراوە، بەهیچ شێوەیەك ڕەتناكرێتەوە، بەڵكو گۆڕانكاری تێدادەكرێت و چاوەروانیش دەكرێت تەنها جیاوازی موچە پاشەكەوتكراوەكە بە یاداشتێك لەگەڵ لیستی موچە بە سیستمی پاشەكەوتەكە ئامادە بكرێت.

 

حەسەن ڕەشید داواشی لە فەرمانگەكان كرد، رۆژی یەكشەممە 10/3/2019 سەردانیان بكەن، بۆئەوەی ئاسانكارییان بۆ بكرێت، بەشێوەیەك كە ئاستەنگ بۆ فەرمانگەكان دروستنەكرێت و كاریگەری لەسەر دواكەوتنی موچەی فەرمانبەرانیش نەبێت.

 

هێمای بۆ ئه‌وه‌شكرد، چاوەڕوانی رێنمایی نوێ دەكەین لەلایەن وەزارەتی داراییەوە بۆ لابردنی پاشەكەوتی موچەو ئامادەكردنی لیستی موچە بەبێ پاشەكەوت.

 

لای خۆشییەوە، عەبدوڵا ئەحمەد، یاریدەدەری بەرێوەبەری گشتی فەرمانگەی تەندروستی سلێمانی بۆكاروباری كارگێڕی، بەماڵپه‌ڕه‌كه‌ی ڕاگەیاندوه‌، ئامادەكردنی لیستی موچە بەدوو میكانیزم دەبێت، هەنگاوی یەكەم جیاوازی موچە پاشەكەوتكراوەكە بە یاداشتێك بخرێتە بەردەم گەنجینەكان، یاخود دووبارە ئامادەكردنی لیستی موچە بەبێ پاشەكەوت.

 




loading...











زۆرترین بینراوەکان