عەتا سەراوی: دەزانم كێ ژەهرخواردی كردووم و تۆڵەی لێدەكەمەوە


نەتەوە  |   10:11:32 2019-02-11  |   (847) جار خوێندراوەتەوە

loading...
عەتا سەراوی ئاشكرای دەكات، "یەقینم هەیە كێ ژەهرخواردی كردووم و لە كاتێكی تردا بە زەبرێكی كەمەرشكێن تۆڵەی خۆمی لێ دەكەمەوە."
A+    A-

 

عەتا سەراوی، ئەندامی ئەنجومەنی ناوەندی یەكێتی لە میانی بەشداریكردنی بەرنامەیەكی كەناڵی ئێن ئاڕ تی رایگەیاندوە، یەقینی هەیە كە كێ ژەهرخواردی كردووە، چاوەڕێی دەزگا ئەمنییەكانە رونكردنەوە بدەن و لە داهاتودا بە زەبرێكی كەمەرشكێن تۆڵەی خۆی لەوكەسانە دەكاتەوە.


ناوبراو دەربارەی چۆنییەتی جێبەجێكردنی پلانی ژەهرخواردنەكەی ئاشكرایكرد، "دوایین جار، كە ژەهرەكەم دەرخوارد دراوە مانگی حەوتی ٢٠١٨ بوو، جاسوسێك لە ناو یەكێتیدا ئەو پیلانەی بۆم داڕشتوە و جێبەجێ كردووە."


وتیشی، ئەو ژەهرەی كە دەرخواردی دراوە هۆكارە بە توشبوون بە شێرپەنجەی سی و جگەر و لە سویدیش پێیان وتووە، كە ژەهرخوارد كراویت و پێویستی بەوەیە شەش مانگ چارەسەر وەربگریت، لەبارەی هۆكاری ژەهرخواردنەكەشی وتی، "من لەسەر كێشەی سیاسیی ژەهرخوارد كراوم نەك كێشەی كۆمەڵایەتی."


عەتا سەراوی لەبارەی رەخنەكانی لە پارتی و كاردانەوەی قسەكانی بە كەناڵەكەی راگەیاندوە، "لەسەر مەبدەئەكانی یەكێتی زمانم بەرامبەر پارتی زبر بووە و زبرتریش دەبێت. هەندێك كەسیش نیگەران  لە لێدوانەكانم و دەیانەوێت من لەناو یەكێتی دەربكات بەڵام دڵنیابە ناتوانن."





loading...











زۆرترین بینراوەکان