دیاردەیەکی گەردوونی لە ەەرێم روودەدات


نەتەوە  |   12:47:28 2018-12-20  |   (276) جار خوێندراوەتەوە

loading...
بەڕێوەبەرایەتی گشتیی كەشناسی و بومەلەرزەزانیی هەرێم رایدەگەیەنێت: کاتژمێر 01:23 خولەکی بەرەبەیانی رۆژی شەممە 22ی کانوونی یەکەمی 2018، یەكەمین رۆژی وەرزی زستانە لەنیوەگۆی باكووری زەویدا.
A+    A-


بەشی راگەیاندنی بەڕێوەبەرایەتیی گشتیی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژەی بەوە كردووە: بەپێی لێكدانەوە فەلەكییەكان، رۆژی شەممە، 2018/12/22 كاتژمێر 1:23ی بەرەبەیان بەكاتی هەولێر، دیاردەی (وەرگەڕانی زستانە Winter Solstice )  روودەدات، واتە یەكەم رۆژی وەرزی زستان لە نیوەگۆی باكووری هەسارەكەمان دەستپێدەكات، ئەو رۆژەش بە درێژترین رۆژی ساڵ دەژمێردرێت و تیایدا ماوەی شەو دەگاتە 13 كاتژمێر و 44 خولەك و 1 چركە، ماوەی رۆژیش كورتترین ئاست تۆمار دەكات كە دەگاتە 10 كاتژمێر و 15 خولەك و 59 چركە.

 

كەشناسی راشیگەیاندووە: بەپێی لێکدانەوە فەلەكییەكان هەر لەو بەروارەدا، بەپێی لاریی گۆشەی خوولانەوەی تەوەریی زەوی لەسەر تەوەری كەمەریدا، تیشكی خۆر ستوونی دەبێت لەسەر (خولگەی قڕژاڵ) لە نیوەگۆی باشووری زەوی، هەربۆیە تیشكی خۆر زیاتر بەرەو نیوەگۆی باشووری زەوی دەكشێت تا دەگاتە ئاستی 23 پلە و 26 خولەك بەرەو باشوور كە ئەمەش واتای كشانێكی زۆر دەنوێنێت لە تیشكی خور لە نیوەگۆی باكوور بەرەو باشوور. ئەوكاتە بۆ دانیشتووانی نیوەگۆی باشووری زەوی، دەستپێكی وەرزی هاوینە، واتە  (وەرگەڕانی هاوینە Summer Solstice) دەبێت.





loading...











زۆرترین بینراوەکان