كەسایەتییەكی ناودار كوژرا


نەتەوە  |   10:32:10 2018-11-18  |   (486) جار خوێندراوەتەوە

گرووپێكی چەكداری "نەناسراو"، چالاكوانێكی دیاری نێو خۆپیشاندەرانی بەسرەیان‌ بەدەستڕێژی گوللـە كوشت. 
A+    A-

 

رۆژی شەممە 17/11/2018، شێخ ویسام غەرراوی، كە یەكێك بووە لە چالاكوانە هەرە دیارەكانی بەسرە لەبەردەم ماڵەكەیدا لەلایەن چەند چەكدارێكی نەناسراوەوە بەدەستڕێژی گوللـە‌ بەسەختی برینداركراوە و دوای گەیاندنی بۆ نەخۆشخانە، لەژێر نەشتەرگەریدا گیانیلەدەستداوە. 


بەپێی میدیا عێراقییەكان، غەرراوی پێشتر داوای لە خۆپیشاندەران كردووه گرووپێكی چەكداری پێكبهێنن و هەردوو حكومەتی ناوەندی و خۆجێیی ناچاربكەن بۆ ئەوەی داواكارییەكانی خەڵكی بەسڕە بەجێبگەیێنن. 


ئاماژە بەوەشكراوە، شێخ ویسام غەرراوی یەكێك بووە لە رێنیشاندەرانی خۆپیشاندەران بۆ سووتاندنی كونسوڵخانەی ئێران و بارەگای حیزبە سیاسییەكان و فەرمانگە حكومییەكان. 


جێی باسە شێخ ویسام غەرراوی، یەكێك بووە لە چالاكوانە هەرە دیارەكانی بەسرە و‌ زۆربەی كات رێنمایی خۆپیشاندەرانی دەكرد و بەرنامەی چالاكی و خۆپیشاندانی دیاریدەكرد.
















زۆرترین بینراوەکان