بەپێی یاسا ئەم غەرامەیە زیاددەکرێت


نەتەوە  |   17:11:51 2018-10-12  |   (396) جار خوێندراوەتەوە

بڕیارێك سەبارەت بە كۆمپانیاكان لە سەندیكای پارێزەرانی كوردستانەوە دەردەچێت کە تێیدا تەئکید لەوە کراوەتەوە هەر كۆمپانیایەك دوابكەوێت لە گرێبەستكردن لەگەڵ پارێزەراندا بۆ هەر رۆژێك 15 هەزار دینار غەرامە دەكرێت.
A+    A-


بڕیارەکە بەپێی یاسای هەمواركراوی پارێزەران دراوە کە بەوپێیە كۆمپانیاكان پابەندكراون بە ئەنجامدانی گرێبەستی ساڵانە لەگەڵ پارێزەران و سەندیكای پارێزەران-یش بەبڕیارێك ئەو یاسا بەركارە چالاك دەكات.

 

بەگوێرەی بڕیارەكەی سەندیكای پارێزەران، "هەر كۆمپانیایەك دوابكەوێت لە گرێبەست كردن لەگەڵ پارێزەرو بردنی پشتگیریی بۆ بەڕێوەبەرایەتیی گشتی تۆماركردنی كۆمپانیاكان، ئەوا رۆژانە بڕی (15) هەزار دینار غەرامەی دواكەوتنی دەكەوێتە ئەستۆ".

 

تەئکیدیش لەوە کراوەتەوە کە ئەم بڕیارە لە رۆژی 2018/11/15ەوە دەچێتە بواری جێبەجێکردنەوە.
















زۆرترین بینراوەکان