وەزارەتی پەروەردەی هەرێم خشتەی پشووەكان رادەگەیەنێت


نەتەوە  |   16:51:33 2018-10-12  |   (725) جار خوێندراوەتەوە

وەزارەتی پەروەردەی هەرێم ساڵنامەی خوێندن و تاقیكردنەوەو پشووەكان بۆ ساڵی خوێندنی 2018- 2019 بڵاودەكاتەوەو راشیگەیاندووە کە پشووی بەهارە 13 رۆژ دەبێت.
A+    A-


بەپێی خشتەی ساڵنامەی خوێندن، كە وەزارەتی پەروەردەی هەرێمی کوردستان بڵاویكردۆتەوە، پشووی یەكەمی ساڵی خوێندن لە رۆژی پێنجشەممە 2019/1/17 دەستپێدەكات و لە رۆژی سێشەممە 2019/1/22 كۆتایی دێت و رۆژی دواتر دەوامی فەرمییە.

 

هەروەها پشووی بەهارە لە رۆژی دووشەممە 2019/3/11 دەستپێدەكات و رۆژی سێشەممە 2019/3/23 كۆتایی دێت و رۆژی دواتر دەوامی فەرمییە.

 

وەك لە خشتەكەدا ئاماژەی پێدراوە، پشووی جەژنی رەمەزان و پشووی رۆژی عاشورا دەكەوێتە ناو تاقیكردنەوە گشتییەكانی پۆلە ناكۆتاكان و دەبێت لە خشتەی تاقیكردنەوەكاندا رەچاوی بكرێت.
















زۆرترین بینراوەکان