ماڵی به‌رپرسێكی یەكێتی كرایە ئامانج


نەتەوە  |   12:50:36 2018-10-12  |   (1,096) جار خوێندراوەتەوە

شەوی رابردوو ماڵی، "ئیدریس حاجی عادل"، جێگری لێپرسراوی مەڵبەندی یەكێتی كەركوك لەداقوق لەرێگەی بۆمبێكی دەستیەوە كرایە ئامانج، هاوكات بەهۆی تەقینەوەی بۆمبێكیش دوو ئەندامی هێزەكانی حەشدی شەعبی لەو شارۆچكەیە كوژران.
A+    A-

 

ئیدریس حاجی عادل، جێگری لێپرسراوی مەڵبەندی یەكێتی كەركوك لەداقوق له‌باره‌ی روداوه‌كه‌ بەرادیۆ نەوای راگەیاندوه‌، بۆمبەكە لەرێگە كەسانی نەناسراوەوە فرێدراوەتە بەردەم ماڵەكەی وخۆشبەختانە هیچ زیانێكی گیانی نەبووە تەنها زیانی مادی هەبووە.


ناوبراو وتیشی: ئەمە جاری یەكەم نیە دەكرێتە ئامانج و هێزە ئەمنیەكانی ئەو ناوچەیە لێكۆلینەوەیان لەو هێرشە دەست پێكردوە.


هەمان شەو بەوتەی ئەفراسیاو كامیل، وتەبێژی پۆلیسی كەركوك لە لایەن بنكەی پۆلیسی داقوقەوە ئاگاداركراونەتەوە لەوەی، كە بەهۆی تەقینەوە بۆمبێك لە سەر رێگەی ئیمام زەینەلعابدین، دوو كەس بە ناوەكانی شاهین یونس و ئەحمەد ئەكبەر كە دانیشتووی داقوق بوون، ژیانیان لەدەستداوە كە هەردووكیان سەر بە حەشدی شەعبین.
 
















زۆرترین بینراوەکان